Fýtboldan ÁCh-nyń irikteý matchy lańkestik saldarynan keıinge qaldyryldy
ASTANA. QazAqparat - Pákistan men Iemen quramalary arasyndaǵy ÁCh-nyń irikteý matchy lańkestik saldarynan keıinge qaldyryldy. Tıisti sheshimdi FIFA qabyldady, dep habarlaıdy sheteldik BAQ.
Oıyn Lahorda (Pákistan) seısenbi kúni keshke ótýi tıis bolatyn. FIFA 14 adamnyń ajalyna, kem degende 78 adamnyń zardap shegýine sebep bolǵan Lahordaǵy terrorlyq aktiden keıin matchty keıinge qaldyrý sheshimin qabyldady.
CNN habarlaǵandaı, jankeshti terrorshylar qulshylyq rásim ýaqytynda hrıstıan shirkeýi janynda jarylys uıymdastyrdy. Jaýapkershilikti pákistandyq tálibter óz moınyna aldy, olar bul sońǵy lańkestik emes ekenin de eskertti.
FIFA irikteý matchyn qaýipsizdikti saqtaý maqsatynda keıinge aýystyrdy. Kezdesý kúni keıinirek belgilenedi. Oıyn beıtarap alańda ótedi.
Iemen men Pákistan quramalary Azııadaǵy irikteý týrnıriniń birinshi raýndyna qatysady, sonyń nátıjesi boıynsha toptyq týrnır qatysýshylary aıqyndalady. Birinshi raýndta jeńilgen komanda oıyndy jalǵastyrmaıdy.
