Fýtboldan ÁCh-nyń alǵashqy oıyny ótetin San-Paýlýdaǵy «Arena Korıntıans» stadıony áli daıyn emes
ASTANA. QazAqparat - San-Paýlýdaǵy fýtboldan álem chempıonatynyń ashylýy - Brazılııa men Horvatııa quramalary baq synasatyn birinshiliktiń alǵashqy oıyny ótetin "Arena Korıntıans" stadıonynyń jóndeý jumystary áli kúnge tolyq aıaqtalmaǵan, dep jazady ITAR-TASS.
Málimetter boıynsha, 20 myń adamdy ornalastyrý kózdelgen ýaqytsha trıbýnalar qurylysy tolyq aıaqtalmaǵan. Oǵan qosa, stadıon mańy qurylys jumystarynan qalǵan qoqystan tazartylmaǵan. Al arenanyń VIP-bólimderine jıhazdar endi ǵana ákelinip jatyr. Ashylý saltanatynda oıyn-saýyq sharalary ótetin oryn da tolyq daıyn emes.
Aıta keteıik, San-Paýlý stadıonynda Brazılııa-Horvatııa oıyndarynan tys Ýrýgvaı-Anglııa (19 maýsym), Nıderlandy-Chılı (23 maýsym), Ońtústik Koreıa-Belgııa (26 maýsym), 1/8 oıyny (1 shilde) jáne jartylaı fınal (9 shilde) kezdesýleri ótedi.
