Fýtboldan ÁCh: Nıderlandy quramasy Senegaldy jeńdi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń ekinshi oıyn kúninde Nıderlandy quramasy Senegaldan basym tústi, dep habarlaıdy QazAqparat tilshisi.

Eki qurama A tobynda synǵa túsedi. Mamandar olardy atalǵan toptan pleı-off satysyna beriletin eki joldamadan basty úmitker sanaıdy.

Búgingi kezdesý barysynda olardyń daıyndyǵy jaqsy ekeni ańǵaryldy. Qos qurama tarapynan qaýipti shabýyldarjıi kórinis berdi. Oıyn barysynda jankúıerler tartysty básekeni tamashalady.

Oıynnyń 84-mınýtynda nıderlandylyq Kodı Gakpo esep ashsa, 96-mınýtta Davı Klassen qorytyndy esepti belgiledi.

Osylaısha Nılerlandy quramasy qarsylasynan 2:0 esebimen basym tústi.

Endi A tobyndaǵy ekinshi týrda 25 qarashada Senegal men Qatar, Nıderlandy men Ekvador quramalary kezdesedi.

Endi V tobynda taǵy bir kezdesýdi búgin 01:00-de AQSh - Ýels oıynyn «Qazsport» telearnasynan tamashalaýǵa bolady.

Eske salsaq, A tobyndaǵy bir kezdesýde Qatar quramasy Ekvadordan jeńilip qaldy.

Sondaı-aq V tobyndaǵy alǵashqy kezdesýde Anglııa quramasy Irannan 6:2 esebimen basym tústi.