Fýtboldan ÁCh: Meksıka óz tobynda kósh basyna shyqty
ASTANA. KAZINFORM — Fýtboldan 2026 jylǵy álem chempıonatynda A tobynda synǵa túsip jatqan Meksıka— Ońtústik Koreıa kezdesýi aıaqtaldy.
Eki qurama alǵashqy týrda jeńiske jetip, týrnır kestesindegi jaǵdaıyn birshama jaqsartyp alǵan edi. Sondyqtan búgingi kezdesýde qaısysy basym tússe, topta kósh bastaıtyny anyqtalatyn edi.
Kezdesý barysynda qarsylastar alǵashqy kezeńde bir-biriniń qaqpasy mańynda jıi boı kórsetti. Soǵan qaramastan tablodaǵy esepke ózgeris engen joq.
Ekinshi kezeńde meksıkalyq fýtbolshylar gol soǵatyn múmkindikti izdedi. Osyndaı sátterdiń birinde olardyń qatarynan Lýıs Romo qarsylas qaqpasyn dál kózdedi.
Osylaısha jalǵyz gol kezdesý taǵdyryn sheship, Meksıka 1:0 esebimen jeńiske jetti.
Sondaı-aq bul topta Chehııa men Ońtústik Afrıka 1:1 esebine qanaǵat bildirdi.
