Fýtboldan ÁCh: Meksıka alǵashqy oıynda Ońtústik Afrıkany jeńdi
ASTANA. KAZINFORM - Fýtboldan 2026 jylǵy álem chempıonatynyń alǵashqy oıynynda Meksıka jáne Ońtústik Afrıka quramalary kezdesti.
Meksıka astanasy Mehıko qalasyndaǵy «Atsteka» stadıonynda ótken oıyn barysynda qos qurama jyldam gol soǵýǵa tyrysty. Alǵashqy mınýttan meksıkalyq fýtbolshylar belsendilik kórsetti. Nátıjesinde olardyń qatarynan 9-mınýtta Hýlıan Kınones qaqpany dál kózdedi.
Bul goldan keıin afrıkalyq qurama tarazy basyn teńestirýge umtylsa, meksıkalyq fýtbolshylar esepti eseleýge tyrysty.
Ekinshi kezeńde Ońtústik Afrıka sapynan ıAıa Sıthole 49-mınýtta qyzyl qaǵaz alyp, oıynde erte aıaqtaýǵa májbúr boldy.
Al 67-mınýtta meksıkalyq shabýylshy Raýl Hımenes qarsylas qaqpasyn sańylaý taýyp, esepti ulǵaıta tústi.
Oıynnyń 84-mınýtynla Ońtústik Afrıka sapynan Themba Zvane, 92-mınýtynda meksıkalyq Sesar Montes alańnan qýyldy.
Endi ekinshi týrda 19 maýsymda Meksıka Ońtústik Koreıamen kezdesse, 18 maýsymda Ońtústik Afrıka quramasy Chehııamen sheberlik baıqasady.
Aıta ketsek, bul toptaǵy alǵashqy týrdaǵy taǵy bir oıyn Qazaqstan ýaqytymen 7:00-de Ońtústik Koreıa - Chehııa arasynda ótedi.
Aıta keteıik, 2026 jylǵy fýtboldan álem chempıonaty tarıhta alǵash ret birden úsh elde – AQSh, Kanada jáne Meksıkada ótedi. Týrnır matchtary 11 maýsym men 19 shilde aralyǵynda 16 qalada uıymdastyrylady.
Sondaı-aq bul FIFA tarıhyndaǵy eń aýqymdy álem chempıonaty bolmaq. Óıtkeni alǵash ret toptyq kezeńde 48 ulttyq qurama baq synaıdy.
