Fýtboldan ÁCh kýbogyn kim tabystaıtyny belgili boldy
ASTANA. QazAqparat - Brazılııalyq sýpermodel jáne álemdegi tartymdy áıelderdiń biri Jızel Býndhen álem chempıonatynyń jeńimpazdaryna kýbokty tabystaýy múmkin.
Amerıkalyq BAQ málimetteri boıynsha, FIFA osyǵan deıin Býndhenge marapattaý saltanatynyń basty sánine aınalý týraly usynys jasaǵan bolatyn. Tipti modeldiń fýtbolǵa tikeleı qatysy bar. Ol Orızontınada týǵan jáne jarysty ótkizýshi eldiń atynan shyǵady. Onyń jubaıy da fýtbolıst. Biraq ol amerıkalyq fýtbol túrimen aınalysady. Jızel óziniń týǵan shtatynyń «Gremıo» fýtbol klýby, sonymen birge, Mılannyń «Inter» quramasyna jankúıerlik etedi.
