Fýtboldan ÁCh: Qosymsha joldamalardyń jerebesi tartyldy
ASTANA. QazAqparat - Búgin Shveıtsarııanyń Non qalasynda 2018 jyly Reseıde ótetin fýtboldan álem chempıonatyna Eýropadaǵy qosymsha 4 joldamaǵa talasatyn quramalardyń jerebesi tartyldy , dep habarlaıdy QazAqparat kazsport saıtyna silteme jasap.
Qazir fýtboldan 2018 jyly Reseıde ótetin álem chempıonatyna irikteý kezeńi jalǵasyp jatqany belgili.
Jerebe nátıjesi myna quramalar bir-birine qarsy oınaıdy:
Italııa - Shvetsııa;
Soltústik Irlandııa - Shveıtsarııa;
Danııa - Irlandııa;
Horvatııa - Grekııa
Birinshi oıyndar 9-11 qarashada, qarymta oıyndar 12-14 qarasha aralyǵynda ótedi. Qos oıyn qorytyndysy boıynsha jeńiske jetken komanda álem chempıonatyna joldama alady.
Esterińizge sala keteıik, osyǵan deıin Reseı, Belgııa, Anglııa, Germanııa, Ispanııa, Islandııa, Polsha, Serbııa, Frantsııa, Portýgalııa, Brazılııa, Ýrýgvaı, Argentına, Kolýmbııa, Japonııa, Ońtústik Koreıa, Iran, Saýd Arabııasy, Kosta-Rıka, Meksıka, Panama, Egıpet jáne Nıgerııa quramalary fýtboldan 2018 jyly Reseıde ótetin álem chempıonatyna joldama alǵan bolatyn.
