Fýtboldan ÁCh: Kolýmbııa pleı-off kezeńine shyqty
ASTANA. QazAqparat - Búgin fýtboldan 2018 jylǵy Álem chempıonaty toptyq kezeńiniń 3-týry aıasyndaǵy N tobynyń kezdesýleri ótti. Toptyń ortalyq matchynda Kolýmbııa jáne Senegal quramalary ózara myqtyny anyqtady, dep habarlaıdy QazAqparat tilshisi.
Oıyn aldynan favorıt retinde kórsetilgen Kolýmbııa oıynnyń basynan aıaǵyna sheıin basym boldy. Biraq afrıkalyqtardyń shabýyldary meılinshe qaýipti kórinis aldy. Jankúıerler osy oıynda goldyń soǵylýyn kórý úshin 74 mınýt kútýine týra keldi. Kolýmbııa oıynshysy Ierrı Mına áýedegi dopqa talas kezinde qarsylas komandanyń qorǵaýshylarynan bıik sekirip, basymen qaqpanyń oń jaq buryshyna dál soqqy baǵyttady.
Gol jiberip alǵan senegaldyqtar kóp kúsh salyp shabýyldaı bastady. Biraq oıyn aıaǵyna qaraı eki komanda da ábden sharshaǵany baıqaldy. Tipti qaýipti qarsy shabýyl uıymdastyrý múmkindigi týyndaǵan sátterde kolýmbııalyqtar da sabyr saqtap otyrdy. 0:1 esebi kezdesý sońyna deıin saqtalyp qaldy.
Osy jeńisten soń Kolýmbııa komandasy 6 upaımen topta birinshi oryn alyp, 1/8 fınalǵa joldama aldy.
