Fýtboldan ÁCh: KHDR jáne Ońtústik Koreıa irikteý kezeńinde bir topta oınaıtyn boldy
NUR-SULTAN. QazAqparat – 2022 jyly Katarda ótetin fýtboldan Álem chempıonatyna irikteýdiń Azııa elderi arasyndaǵy ekinshi raýndyna jerebe tartyldy, dep habarlaıdy QazAqparat FIFA-nyń resmı saıtyna silteme jasap.
Jerebe nátıjeleri boıynsha, Koreıa Halyq Demokratııalyq Respýblıkasy jáne Koreıa Respýblıkasy qurama komandalary «N» tobyna tústi. Bul topta eki koreı elinen tys, Lıvan, Túrikmenstan jáne Shrı-Lanka bar.
Eki qurama osyǵan deıin 16 ret kezdesipti. 8 ret Ońtústik Koreıa jeńiske jetip, bir ret soltústik basym túsken, qalǵan kezdesýler teń nátıjemen aıaqtalǵan.
2-raýndqa tartylǵan jerebeniń jalpy qorytyndysy mynadaı:
A toby: QHR, Sırııa, Fılıppın, Maldıv araldary, Gýam araldary
B toby: Aýstralııa, Iordanııa, Qytaı Taıpeıi, Kýveıt, Nepal
C toby: Iran, Irak, Bahreın, Gonkong, Kambodja
D toby: Saýd Arabııasy, Ózbekstan, Palestına, Iemen, Sıngapýr
E toby: Bangladesh, Oman, Úndistan, Aýǵanstan, Katar
F toby: Japonııa, Qyrǵyzstan, Tájikstan, Mıanma, Mońǵolııa
G toby: BAÁ, Vetnam, Taıland, Malaızııa, Indonezııa
H toby: Koreıa Respýblıkasy, Lıvan, KHDR, Túrikmenstan, Shrı-Lanka.
