Fýtboldan ÁCh: Qazaqstandyqtar Reseıde 1,5 mlrd teńgelerin jumsaǵan
ASTANA. QazAqparat - Fýtboldan Álem chempıonaty aıaqtalysymen, ekvaıer bankter qyzmet kórsetý oryndaryndaǵy aqsha aınalymyn, sondaı-aq sheteldik qonaqtardyń shyǵyndaryn esepteýge kiristi, dep habarlaıdy «QazAqparat» HAA «Vedomostı» basylymyna silteme jasap.
Uıymdastyrý komıtetiniń málimetinshe, Álem chempıonatynyń matchtaryn tamashalaýǵa 570 myń sheteldik kelgen.
«VTB bankinen 14 maýsymnan 15 shildege deıingi aralyqta aqsha alǵan sheteldik kartalardyń ishinde AQSh ókilderi kósh bastaıdy (800 mln rýbl), odan keıingi oryndarda Qytaı (330 mln), Qazaqstan (280 mln), Ulybrıtanııa (194 mln), Argentına (164 mln), Frantsııa (158 mln), Meksıka (156 mln) tur», - dep málimdedi uıymdastyrý komıtetinen.
Aıta keteıik, búginde QR Ulttyq bankiniń baǵamy boıynsha 1 Reseı rýbli 5,47 teńgege teń.
Sberbanktiń statıstıkasy boıynsha, Reseıde eń kóp aqsha qaldyrǵandar arasynda taǵy da AQSh turǵyndary kósh bastaıdy - 5,6 mlrd rýbl. Odan keıingi oryndarda Qytaı (4,1 mlrd rýbl), Meksıka (2,2 mlrd), Ulybrıtanııa (1,9 mlrd) keledi. Argentına, Germanııa jáne Brazılııanyń árqaısysynyń úlesine shamamen 1 mlrd rýblden keledi.
Al «Otkrytıe» bankiniń málimetteri boıynsha, 14 maýsymnan 5 shildege deıin sheteldikterdiń tranzaktsııalary sany 3,6 esege artqan.
Sheteldikter Reseıde eń kóp shyǵyndy tamaqqa jumsaǵan. Sberbanktiń málimetinshe, dámhanalar men meıramhanalarǵa, sondaı-aq fastfýdqa jumsalǵan jalpy qarajat 6,2 mlrd rýbldi quraǵan. Odan keıingi oryndarda qonaqúıler (5 mlrd) men ushaq bıletteri (1,4 mlrd) tur. Budan tys, sport taýarlary men kádesyılardyń satylymynan da qyrýar qarjy túsken.
