Fýtboldan ÁCh: Qazaqstan men Frantsııa quramalary kezdesýine tóreshiler belgilendi
NUR-SULTAN. QazAqparat - Fýtboldan 2022 jylǵy álem chempıonatyna irikteý satysynda elordada ótetin Qazaqstan men Frantsııa quramalary kezdesýine qazylyq jasaıtyn tóreshiler quramy belgili boldy, dep habarlaıdy QazAqparat tilshisi.
Atalǵan oıynda belarýstik maman Alekseı Kýlbakov bas tóreshi retinde qyzmet atqarady. Oǵan sol elden kelgen Dmıtrıı Jýk pen Oleg Maslıanko kómekshi bolady. Qosalqy tóreshi - Vıktor Shımýsık.
Esterińizge sala ketelik, atalǵan kezdesý elorda ýaqytymen 19.00-de bastalady. Oıyn Qazsport telearnasynan tikeleı efırde kórsetiledi. Frantsııa quramasy Qazaqstanǵa negizgi qurama oıynshylaryn alyp keldi.
Aıta ket e ıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa quramalary.
Qazaqstandyq fýtbolshylar alǵashqy týrda eshkimmen kezdesken joq. Al 24 naýryzda Óz alańynda Frantsııa Ýkraınamen 1:1, Fınlıandııa Bosnııa jáne Gertsogovınamen 2:2 esebimen teń oınady.
Endi 28 naýryzda Qazaqstan men Frantsııa kezdesse, sol kúni Ýkraına Fınlıandııamen sheberlik baıqasady.
