Fýtboldan ÁCh: Qazaqstan áıelder quramasy ekinshi jeńisine jetti
ASTANA. KAZINFORM — Fýtboldan Qazaqstan áıelder quramasy 2027 jylǵy álem chempıonatyna irikteý týrnıri aıasynda Belarýs quramasynan basym tústi.
Begaıym Qyrǵyzbaeva bastaǵan ujymnyń qarsylasy bul joly Belarýs quramasy boldy.
Kezdesý Grýzııanyń Gorı qalasyndaǵy Tengız Býrdjanadze atyndaǵy stadıonda ótip, Qazaqstan quramasy 1:0 esebimen jeńiske jetti. Matchtaǵy jalǵyz goldy 84-mınýtta Qazyna Norbaeva soqty.
Bul jeńis qazaqstandyq fýtbolshylarǵa 6 upaı jınaýǵa múmkindik berdi. Qazaqstan quramasy kósh bastap turǵan Belarýspen upaı sany teńesip, topta ekinshi orynda tur.
Otandastarymyz qazirge deıin Armenııany 3:0 esebimen jeńip, Belarýske 0:1 esebimen ese jibergen edi.
Qazaqstandyq fýtbolshylar aldaǵy kezdesýde 5 maýsym kúni syrt alańda Armenııa quramasymen sheberlik baıqasady.
Іrikteý kezeńi oıyndary naýryz, sáýir jáne maýsym aılarynda ótkizilip jatyr.
Aıta ketsek, aqpan aıynda Qazaqstan áıelder ulttyq quramasynyń bas bapkeri taǵaıyndaldy.
Elimizdiń ulttyq qurama sapynda eń kóp oıyn ótkizgen Begaıym Saparqyzy bapkerlik qyzmetin 2022 jyly bastady. Ol «Oqjetpes» jáne «Elimaı» áıelder komandalaryn jattyqtyryp, sondaı-aq Qazaqstan áıelder ulttyq quramasynda bas bapkerdiń kómekshisi qyzmetin atqardy.
