Fýtboldan ÁCh: Qazaqstan áıelder quramasy búgin Belarýspen oınaıdy

ASTANA. KAZINFORM - Fýtboldan Qazaqstan áıelder quramasy búgin 2027 jylǵy álem chempıonatynyń irikteý kezeńindegi ekinshi oıynyn Belarýske qarsy ótkizedi.

Bul kezdesý Qazaqstan ýaqytymen 14:00-de bastalady.

Qazaqstandyq fýtbolshylar jarystyń bul kezeńinde Armenııa men Belarýspen sheberlik baıqasady. Oıyndar naýryz, sáýir jáne maýsym aılarynda ótedi.

Jaqynda ulttyq qurama tizginin qolyna alǵan otandyq maman Begaıym Qyrǵyzbaeva alǵashqy oqý-jattyǵý jıynyna 27 fýtbolshyny shaqyrdy.

Qazaqstan áıelder quramasy

Qaqpashylar: Angelına Portnova («Asteras Trıpolıs», Grekııa), Nazym Ismaılova («BIІK-Shymkent»), Vıktorııa Zeınalı («Elimaı»).

Qorǵaýshylar: Aleksandra Býrova, Bıbigúl Nurysheva (ekeýi de – «BIІK-Shymkent»), Anastasııa Vlasova («Aqtóbe»), Qazyna Nurbaeva («Gýrnık Lenchna», Polsha), Tomırıs Rahatjan («Qaırat»), Aleksandra Nabokova («Shahter»), Krıstına Shýstova («Elimaı»), Adelııa Bekqojına («Jeńis»), Anel Blank («Qyzyl-Jar»), Anelıa Suńqarova («Astana»), Anelıa Berikova («Býdýchnost», Chernogorııa).

Jartylaı qorǵaýshylar: Ksenıa Haırýlına, Elmıra Abdýlaeva (ekeýi de – «Qaırat»), Karına Jumabaıqyzy («Aqtóbe»), Adına Beıbýt («Astana»), Anastasııa Nızamýtdınova («Enıseı», Reseı).

Shabýylshylar: Aıda Gaıstenova, Áselhan Turlybekova, Ekaterına Babshýk (bári – «Aqtóbe»), Nazym Aldanazar, Polına Týchına (ekeýi de – «Qaırat»), Anelıa Mamyrova, Fatıma Satyǵalıeva (ekeýi de – «Elimaı»), Amına Bıbosynova («Týrbıne Potsdam», Germanııa).

Aıta ketsek, budan buryn fýtboldan Qazaqstan áıelder quramasy álem chempıonatyna irikteý kezeńin sátti bastap, Armenııany iri eseppen jeńdi.

Fýtboldan Qazaqstan áıelder quramasy álem chempıonatyna irikteý kezeńin sátti bastady.