Fýtboldan ÁCh: Qazaqstan áıelder quramasy Belarýske ese jiberdi
ASTANA. KAZINFORM — Fýtboldan Qazaqstan áıelder quramasy búgin 2027 jylǵy álem chempıonatynyń irikteý kezeńindegi ekinshi oıynyn Belarýske qarsy ótkizdi.
Qazaqstandyq fýtbolshylar jarystyń bul kezeńinde Armenııa men Belarýspen sheberlik baıqasady. Oıyndar naýryz, sáýir jáne maýsym aılarynda ótedi.
Kezdesý barysynda qazaqstandyq fýtbolshylar gol soǵý múmkindigin izdedi. Degenmen kózdegen maqsatyna jete alǵan joq.
Іrikteý kezeńiniń alǵashqy oıynynda qazaqstandyq fýtbolshylar Armenııany 3:0 esebimen jeńgen edi.
Aıta ketsek, budan buryn Begaıym Qyrǵyzbaeva Qazaqstan áıelder ulttyq quramasynyń bas bapkeri qyzmetine taǵaıyndalǵan edi.
Begaıym Saparqyzy — qazaqstandyq áıelder fýtbolynyń eń jarqyn ókilderiniń biri.
Fýtbolshy retinde 11 ret Qazaqstan chempıony atanyp, 10 márte Qazaqstan Kýbogyn jeńip alǵan.
Ulttyq qurama sapynda 2003 jyldan beri óner kórsetip, Qazaqstan áıelder quramasy tarıhyndaǵy eń kóp match ótkizgen rekordshy atandy. Onyń enshisinde eldiń basty komandasy sapynda 85 oıyn jáne 17 gol bar.
Begaıym Saparqyzy bapkerlik qyzmetin 2022 jyly bastady. Ol «Oqjetpes» jáne «Elimaı» áıelder komandalaryn jattyqtyryp, sondaı-aq Qazaqstan áıelder ulttyq quramasynda bas bapkerdiń kómekshisi qyzmetin atqardy.
