Fýtboldan ÁCh: Horvatııa penaltıden Danııany utyp, shırek fınalǵa shyqty
ASTANA. QazAqparat - Nıjnıı Novgorod qalasynda Horvatııa men Danııa arasyndaǵy oıyn tartysqa toly boldy, dep habarlaıdy QazAqparat tilshisi.
Bul matchta negizgi ýaqyt 1:1 esebimen teń aıaqtalyp, argentınalyq tóreshi Nestor Pıtana 15 mınýttan eki ekstrataım belgiledi.
Birinshi ekstrataım danııalyqtardyń qaýipti shabýyldarymen bastaldy. Alǵashqy ekstrataım sońyna taman horvatııalyqtar qaqpaǵa jıi qaýip tóndirgenimen, odan eshteńe ónbedi.
Ekinshi ekstrataımda 114-mınýtta Horvatııa kapıtany Lýka Modrıchtiń pasynan keıin qaqpaǵa jekedara shyqqan Ante Rebıchti Matıas Iorgensen shalyp jyqty. Áıtse de Danııa qaqpashysy Kasper Shmeıhel L.Modrıchtiń 11 metrlik penaltıin qaqshyp ala bildi.
Match taǵy da 1:1 esebimen teń aıaqtalyp, kezdesý taǵdyry penaltı lotereıasynda sheshildi.
Penaltı serııasy Danıel Sýbashıchtiń Danııanyń kóshbasshysy Krıstıan Erıksenniń, al Kasper Shmeıhel Mılan Badeldiń soqqysyn qaıtarýymen bastaldy.
D.Sýbashıch Lasse Sheneniń, sosyn Nıkolaı Iorgensenniń soqqysyn qaıtardy. K.Shmeıhel Iosıp Pıvarıchtiń soqqysyna tosqaýyl qoıǵanymen, Ivan Rakıtıchke eshteńe jasaı almady.
Osylaısha penaltı serııasynda 3:2 esebimen jeńiske jetken Horvatııa shırek fınalǵa shyqty.
Aıta keteıik, 7 shilde kúni Sochı qalasynda Horvatııa Reseı quramasymen jartylaı fınal joldamasyn sarapqa salady.
Keshe Ispanııa - Reseı matchy da qosymsha ekstrataımdarǵa sozylyp, penaltı serııasynda reseılikter jeńiske jetken edi.
