Fýtboldan ÁCh: Horvatııa men Danııa negizgi ýaqytta birin-biri uta almady
ASTANA. QazAqparat - Nıjnıı Novgorod qalasynda álem chempıonatynyń pleı-off básekesinde Horvatııa men Danııa jasyl alańǵa shyqty, dep habarlaıdy QazAqparat tilshisi.
Bul oıynnyń favorıti, árıne, óz tobyndaǵy úsh kezdesýdiń bárin de utqan Horvatııa edi. Degenmen danııalyqtar da shırek fınalǵa shyǵý úshin baryn salatyny anyqtuǵyn.
Argentınalyq Nestor Pıtana qazylyq etken matchta Horvatııanyń bapkeri Zlatko Dalıch myna quramdy shyǵarýdy jón kórdi: Danıel Sýbashıch (qaqpashy), Shıme Vrsalko, Ivan Strınıch, Deıan Lovren, Domagoı Vıda, Ivan Rakıtıch, Martselo Brozovıch, Lýka Modrıch (kapıtan), Ivan Perıshıch, Marıo Mandjýkıch, Ante Rebıch.
Danııany jattyqtyratyn norvegııalyq maman Ege Hareıdeniń shákirtteri de osal emes-ti: Kasper Shmeıhel (qaqpashy), Ionas Knýdsen, Sımon Ker (kapıtan), Matıas Iorgensen, Henrık Dalsgor, Andreas Krıstensen, Tomas Dıleını, Krıstıan Erıksen, ıÝssýf Poýlsen, Andreas Kornelıýs, Martın Breıtýeıt.
Oıyn birden qyzyq bastaldy. 1 mınýtta qaqpa aldyndaǵy qarbalas sátte Danııa esep ashyp ketti. Alań shetinen qaqpaǵa qaraı Knýdsen laqtyrǵan dopty Dıleını Iorgensenge jyljyta aldy. Matıas Iorgensen 3 metr jerden dopty qaqpadan bir shyǵardy - 1:0.
Degenmen 4-mınýtta horvatııalyqtar birinshi shabýylynda-aq tarazy basyn teńestirdi. Oń qanatta Rebıch bergen dopty Vrsalko aıyp alańyna baǵyttady. Marıo Mandjýkıch dopty toqtatpaı tepti - 1:1.
Horvattar kóbirek shabýyldaǵanymen, danııalyqtar da qarap qalmady. 39-mınýtta standartty jaǵdaıdan soń Modrıch bergen dopty ortalyq qorǵaýshy Lovren baspen soqqanymen, qaqpadan sál qıys ketti. 42-mınýtta taǵy da Knýdsen laqtyrǵan dopty Lovren qaıtaryp, Rebıch bar kúshimen alǵa tepti. Alaıda qaıtadan shabýyldaǵan Erıksen soqqan dop qaqpa jaqtaýyna tıip, asyp ketti.
Ekinshi taımda komandalar qaqpany barynsha nysanaǵa alyp kórgenimen, fýtbolshylarǵa dáldik jetispedi. Qorǵaýshylar men qaqpashylar da sátti oınady.
Osylaısha negizgi ýaqyt 1:1 esebimen teń aıaqtaldy.
Match taǵdyry qosymsha eki ekstrataımda nemese sodan keıingi penaltı serııasynan keıin sheshiledi.
Aıta keteıik, Danııa quramasy álem chempıonatynyń irikteý týrnırinde E tobynda Qazaqstanmen birge oınap, ekinshi orynǵa ıe bolǵan edi. Al munda jeńimpaz atanǵan Polsha Reseıdegi birinshilikte toptan shyǵa almaı, úılerine erte qaıtýǵa májbúr boldy.
