Fýtboldan ÁCh: Germanııa Shvetsııanyń mysyn basa ala ma?
ASTANA. QazAqparat - Búgin túnde fýtboldan álem chempıonatynyń F tobynda Sochı qalasynda Germanııa men Shvetsııa quramalary kúsh synasady, dep habarlaıdy QazAqparat tilshisi.
Bul birinshi týrda 0:1 esebimen Meksıkadan utylyp qalǵan álem chempıony Germanııanyń sońǵy múmkindigi deýge bolady. Dál sondaı eseppen Ońtústik Koreıanyń meselin qaıtarǵan shvedter de osal emes.
Eger Ioahım Levtiń shákirtteri búgin jeńiletin bolsa, onda joldamadan qaǵylady. Sóıtip olar óz tarıhynda álem chempıondary retinde óz tobynan alǵash ret shyǵa almaýy múmkin. Budan buryn osyndaı kepti 2002 jyly Frantsııa, 2010 jyly Italııa jáne 2014 jyly Ispanııa kıgen bolatyn. Sondaı-aq nemisterdiń ózi 2000 jylǵy Eýropa birinshiligine chempıon bolyp baryp, toptan óte almaı, masqarasy shyǵyp qaıtqan edi.
ıAnn Andersson jattyqtyratyn Shvetsııa quramasynyń álem chempıonatyna joldamany Italııadan julyp alǵany belgili. Germanııamen oıynda qorǵaýshylar Pontýs ıAnsson men Fılıp Helander, jartylaı qorǵaýshy Markýs Roden jáne shabýylshy Isaak Kıse Telın alańǵa shyqpaýy múmkin. Nemisterden qorǵaýshy Mats Hýmmelstiń matchqa qatysý-qatyspaýy neǵaıbyl.
Qarsylastardyń aldyn ala quramy mynadaı: Germanııa - Noıer, Kımmıh, Boateng, Shıýle, Gektor, Goretska, Kroos, Mıýller, Ozıl, Roıs, Verner.
Shvetsııa - Olsen, Lýstıg, ıAnsson, Grankvıst, Aýgýstınsson, Klaesson, Larsson, Ekdal, Forsberg, Toıvonen, Berg.
Matchqa polıak Shımon Marchınıak qazylyq etedi.
Aıta keteıik, búgin sondaı-aq F tobynda Dondaǵy Rostovta Ońtústik Koreıa - Meksıka komandalary sheberlik baıqasady. Onda meksıkalyqtar jeńiske jetse, pleı-off básekesine joldama alady.
