Fýtboldan ÁCh: G tobynda ekinshi joldama ıesi anyqtalady

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin G tobynda úshinshi týr oıyndary ótkiziledi, dep habarlaıdy QazAqparat tilshisi.

Bul topta Brazılııa quramasy pleı-off satysyna beriletin joldama taǵdyryn bir týr buryn sheship qoıdy. Qalǵan ekinshi joldamaǵa úsh quramanyń da úmiti bar.

Atalǵan toptaǵy oıyndar elorda ýaqytymen saǵat 1:00-de ótkiziledi.

Kamerýn men Brazılııa quramalarynyń oıyny «Qazaqstan» telearnasynan tikeleı efırde kórsetiledi.

Oıyn Lýsaıl qalasyndaǵy 88966 jankúıerge arnalǵan «Lýsaıl Aıkonık» stadıonynda bolady. Bas tóreshi - AQSh- tan kelgen Ismaıl Elfat.

FIFA reıtınginde Kamerýn - 43, Brazılııa 1-orynda tur.

Eki qurama buǵan deıin alty márte kezdesti. 2003 jyly Konfederatsııa kýbogynda Kamerýn atalǵan qarsylasyn 1:0 esebimen tize búktirdi. Qalǵanynda brazılııatardyń mereıi ústem boldy.

Atalǵan toptaǵy Serbııa men Shveıtsarııa kezdesýi jankúıerler «Qazsport» telearnasynan tikeleı efırde tamashalaýyna bolady.

Oıyn el astanasy Doha qalasyndaǵy 44089 jankúıerge arnalǵan «Stedıým 974» stadıonynda ótkiziledi. Bas tóreshi - argentınalyq Fernando Rapalını.

FIFA reıtınginde Serbııa - 21, Shveıtsarııa 15-orynda tur.

Eki qurama buǵan deıin bir márte kezdesti. 2018 jylǵy álem chempıonaty toptyq kezeńinde Shveıtsarııa atalǵan qarsylasynan 2:1 esebimen basym tústi.

Sondaı-aq búgin, 2 jeltoqsanda elorda ýaqytymen 21:00-de H tobynda Gana men Ýrýgvaı, Ońtústik Koreıa men Portýgalııa quramalary kezdesedi.

Qazirge deıin pleı-off satysyna shyqqan 14 qurama belgili boldy. Olardyń qatarynda Brazılııa men Portýgalııa quramalary bar. Qalǵan eki joldama ıesi búgin anyqtalady.

Foto: ROBERT CIANFLONE/GETTY IMAGES