Fýtboldan ÁCh: Frantsııa Aýstralııany iri eseppen utty
Budan tórt jyl buryn Dıde Dısham jattyqtyratyn frantsýzdardyń álem chempıony atanǵany belgili.
Alǵash ret álem chempıony ataǵyn 1998 jyly jeńip alǵan frantsýzdar bul joly da tıtýldan dámeli ekeni anyq. Alaıda bul dúnıejúzilik dodaǵa D.Dısham shákirtteri bıylǵy «Altyn dop» ıegeri, shabýylshy Karım Benzema bastaǵan birneshe beldi oıynshysynsyz kirisip otyr.
Aýstralııalyqtar sońǵy kezde álem chempıonatyna turaqty qatysyp keledi. 1974 jyly olar toptan shyǵa almasa, 2006 jyly 1/8 fınalǵa deıin jetip, bolashaq álem chempıondary – Italııaǵa 0:1 esebimen jol berdi. Ońtústik Afrıka Respýblıkasy, Brazılııa jáne Reseıde ótken birinshilikterde Aýstralııa toptyq básekemen shekteldi. Tórt jyl Frantsııa, Danııa jáne Perýmen bir topta bolyp, jalǵyz upaıǵa ǵana qol jetkizdi.
Quramalar ózara bes ret baq synassa, sonyń úsheýi joldastyq kezdesý edi. Munda frantsýzdar eki ret (1:0, 6:0) jeńip, bireýinde teń tústi (1:1). Al 2001 jyly Konfederatsııa kýboginde aýstralııalyqtar Frantsııany 1:0 esebimen tize búktirdi. 2018 jyly Reseıde frantsýzdar ese qaıtardy – 2:1.
Bul joly álem chempıondary matchty qarqyndy bastaǵanymen, 9-mınýtta aýstralııalyqtar esep ashyp ketti. Oń qanattan sýyrylyp, alǵa shyqqan Metıý Lekı frantsııalyq qorǵaýshy Lýkas Ernandesti qapy qaldyryp, Kreıg Gýdvınge dál pas berdi. Oǵan qosa osy sátte L.Ernandes jaraqat alyp, ornyna týǵan inisi Teo shyqty.
Frantsııanyń órshelene alǵa umtylǵan qımyly óz jemisin berdi. 27-mınýtta T.Ernandesten pas alǵan jartylaı qorǵaýshy Adrıen Rabo tarazy basyn teńestirdi – 1:1. Arada 5 mınýt ótkende, A.Rabonyń pasynan keıin Olıve Jırý Frantsııany alǵa shyǵardy – 2:1. Budan soń Kılıan Mbappe ońtaıly sátti múlt jiberdi. Al taım sońyna taman aýstralııalyq Djekson Irvınniń baspen soqqan doby qaqpa jaqtaýynan keri qaıtty.
Ekinshi kezeńde 68-mınýtta osydan tórt jyl burynǵy álem chempıonatynyń úzdik jas oıynshysy atanǵan K.Mbappe Ýsman Dembeleniń pasyn qur jibergen joq – 3:1. Arada 3 mınýt ótkende, sol qanatta jasyndaı jarqyldaǵan K.Mbappeniń pasynan keıin O.Jırý esepti 4:1-ge jetkizdi. Bul Jırýdiń ulttyq qurama sapyndaǵy 51-inshi goly edi.
Osylaısha, D tobynda Aýstralııany iri eseppen utqan Frantsııa úsh upaımen jekedara kósh bastady. Danııa men Týnıste bir-birden upaı bar.
Endi 26 qarasha kúni Týnıs – Aýstralııa, Frantsııa – Danııa oıyndary ótedi.
Eske sala keteıik, budan buryn fýtboldan bıylǵy «Altyn do» ıegeriniń álem chempıonatynan tys qalǵanyn jazǵan bolatynbyz.
Sondaı-aq Krıshtıaný Ronaldý fýtboldan álem chempıonatynyń favorıtterin atady.
Argentına quramasy álem chempıonatynda Saýd Arabııasynan jeńildi.
Danııa men Týnıs quramalary teń tarqasty.
Argentınany jeńý qurmetine Saýd Arabııasynda sársenbi demalys kúni bolyp jarııalandy.
Krıshtıaný Ronaldý «Manchester ıÝnaıted» klýbynan ketti.
