Fýtboldan ÁCh: Frantsııa alǵashqy oıynda jeńiske jete me
D tobyndaǵy alǵashqy kezdesý Danııa men Týnıs quramalary arasynda ótedi. Oıyn elorda ýaqytymen 16:00-de bastalyp, «Qazsport» telearnasynan tikeleı efırde kórsetiledi.
Danııalyq fýtbolshylar álem chempıonaty fınaldyq satysyna altynshy márte qadam basyp otyr. Buǵan deıin 1998 jyly shırek fınalǵa deıin jetse, 1986, 2002, 2018 jyldarda 1/8 fınalda baq synady.
Al Týnıs fýtbolshylary da altynshy márte dúbirli dodaǵa kelip otyr. Degenmen ázirge toptyq kezeńnen asa alǵan joq.
Eki qurama buǵan deıin eki márte kezdesti. Danııa atalǵan qarsylasyn 1963 jyldyń 1 qyrkúıeginde 3:1, 2002 jyldyń 26 mamyrynda 2:1 esebimen jeńdi. Olar álem chempıonatynda alǵash ret sheberlik baıqasady.
Taǵy bir oıyn Frantsııa men Avstralııa arasynda bolady. Kezdesý elorda ýaqytymen 01:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Tanymal fýtbolshylardan quralǵan Frantsııa quramasy dúbirli dodada on altynshy márte baq synaıdy. 1998, 2018 jyldarda chempıon atansa, 2006 jyly kúmis, 1958, 1986 jyldary qola júldeger boldy.
Bıyl jetinshi márte dúbirli dodaǵa qatysatyn úzdikter qataryna qosylǵan Avstralııa ázirge joǵary jetistigimen jankúıerlerdi qýanta alǵan joq. Tek 2006 jyly 1/8 fınalǵa deıin jetti.
Eki qurama bıyl óz tarıhynda altynshy márte sheberlik baıqasady. Onyń úsheýinde Frantsııa jeńiske jetse, bireýinde Avstralııanyń mereıi ústem boldy. Bir kezdesý teń nátıjemen aıaqtaldy.
Eske salsaq, budan buryn A tobynda Anglııa quramasy Irandy iri eseppen jeńse, Nıderlandy Senegaldan basym tústi.
Sondaı-aq, A tobyndaǵy eki oıynnyń nátıjesi belgili boldy.
Foto: reuters.com