Fýtboldan ÁCh: Danııa Perý quramasyn jeńdi
ASTANA. QazAqparat - Fýtboldan 2018 jylǵy Álem chempıonatynda S tobynyń alǵashqy týr oıyndaryn Perý jáne Danııa quramalary qorytyndylady, dep xabarlaıdy QazAqparat tilshisi.
Buǵan deıin S tobynyń alǵashqy oıynynda Frantsııa Avstralııany synaqtan ótkizgenin habarlaǵan bolatynbyz.
Komandalar ózara teń oıyn ótkizetini o bastan belgili edi. Eki quramanyń kúshi teń ekenin olardyń FIFA reıtınginde 11 jáne 12-orynda turǵany da rastasa kerek.
Danııa alǵashqy 45 mınýttyń 58% dopqa ıelik etkenmen, qarsylastar qaqpasyna asa qaýip tóndire almady. Tipti baǵyttalǵan 5 soqqynyń tek bireýi ǵana qaqpaǵa týra bardy. Perýdiń 8 soqqysynyń ekeýi dál baǵyttalǵanmen, qaqpa toryna baryp túspedi. 1-taımda gol soǵylýy úshin Danııa qaqpasyna tipti penaltı de belgilendi. Alaıda ony Krıstıan Kýeva tym bıikke teýip jiberdi. Bul búgindikke - tórtinshi penaltı, oryndalmaǵan ekinshi penaltı boldy. Buǵan deıin ótken Argentına - Islandııa arasyndaǵy oıynda Lıonel Messı de 11 metrlik núkteden múlt ketken bolatyn. Osylaısha, komandalar úziliske golsyz ketti.
Ekinshi taımda tartys qyza tústi. Ásirese taım basynda danııalyqtar sapaly oıyn kórsetip, shabýyldaryn údete berdi. 59-mınýtta Krıstıan Erıksen men ıÝssýf Poýlsen uıymdastyrǵan jyldam shabýyl perýlikterdiń qorǵanysyn sastyrdy. Onyń ústine sońǵy úmit bolýy tıis qaqpashy Pedro Galese de usaq qatelikke jol berip, «jaqyn buryshyn» jaba almady. Qaqpanyń týra sol jerinen sańylaý tapqan Poýlsen kúshti soqqymen esep ashty.
Kútpegen jerden gol jiberip alǵan perýlikter oıyn tizginin túgel óz qoldaryna aldy. Jappaı shabýylǵa shyqqan Latyn Amerıkasy ókilderi keıde danııalyqtardy tyrp etkizbedi. Biraq gol soǵý úshin munyń bári azdyq etti. Keıde sáttilik jetispese, keıde dat qaqpashysy Kasper Shmeıhel tamasha seıvter jasady. Esep - 1:0. Osy jeńisten keıin Danııa 3 upaı alyp, S tobynda Frantsııadan keıingi ekinshi orynǵa shyqty.
