Fýtboldan ÁCh-da jolaýshylardy tasymaldaıtyn avtobýs joly iske qosyldy
ASTANA. QazAqparat - Brazılııa bıligi 2014 jylǵy fýtboldan Álem chempıonatyna arnalǵan avtobýs jolynyń júıesin iske qosty. Bul týraly jergilikti BAQ habarlaıdy, dep jazady ITAR-TASS.
Júıe qurylysyna memleket bıýdjetinen 700 mln. dollarǵa jýyq qarjy jumsalǵan. Ol jankúıerlerdi áýejaıdan metro stantsııasyna deıin jyldam jetkizýdi maqsat etedi. Onyń eń alǵashqy jolaýshysy Brazılııa prezıdenti Dılma Roýsseff boldy. Rıo-de-Janeırodaǵy júıe qoǵamdyq kólikke arnalǵan arnaıy jolaqtary bar uzyndyǵy 39 shaqyrym joldy qamtıdy. Osy marshrýt boıynsha kúnine shamamen 320 myń jolaýshy tasymaldanbaq. Alaıda, avtobýs aıaldamalaryndaǵy qurylys jumystary ázirge aıaqtalar emes. Al fýtboldan Álem chempıonatynyń bastalýyna sanaýly kúnderi ǵana qaldy, ol atalmysh elde 12 maýsym men 13 shilde aralyǵynda ótedi.
