Fýtboldan ÁCh: Brazılııalyq Rısharlısonnyń Serbııa qaqpasyna soqqan goly úzdik dep tanyldy

ASTANA. QazAqparat – Qatardaǵy álem chempıonatynda Brazılııa jáne londondyq «Tottenhem» klýbynyń shabýylshysy Rısharlısonnyń Serbııa qaqpasyna soqqan goly úzdik dep tanyldy, dep habarlaıdy QazAqparat tilshisi.

Halyqaralyq fýtbol federatsııasy (FIFA) óziniń resmı saıtynda málim etkenindeı, dúnıejúzilik dodada toptyq básekeniń birinshi týrynda Rısharlısonnyń Serbııa qaqpasyna shalqalaı soqqan goly daýys berý nátıjesinde úzdik dep tanylǵan.

Bul matchta Rısharlıson qos goldyń avtory atanyp, komandasyna jeńis ápergen edi.

Daýys berýge sondaı-aq Salem Al-Davsarı (Saýd Arabııasy), Kodı Gakpo (Nıderland), Entso Fernandes (Argentına), Vensan Abýbakar (Kamerýn), Lýıs Chaves (Meksıka), Kılıan Mbappe (Frantsııa), Pek Syn Ho (Ońtústik Koreıa), Neımar (Brazılııa) jáne Rısharlısonnyń 1/8 fınalda Ońtústik Koreıa qaqpasyna soqqan goly qatystyryldy.

Eske sala keteıik, budan buryn Qazaqstan ulttyq quramasynyń FIFA reıtıngisindegi orny anyqtalǵanyn jazǵan bolatynbyz.

Sondaı-aq Ronaldý «Al-Nasr» klýbymen uzaq merzimdi kelisimshart jasady.

Fýtboldan álem chempıonatyna qatysqan quramalardyń qansha syıaqy alatyny belgili boldy.

Marokko quramasynyń oıynshylary 25 mln eýro syıaqyny qaıyrymdylyq maqsatyna jumsamaqshy.

Lıonel Messı Frantsııanyń «PSJ» klýbynda qalatyn boldy.

Foto: GOLÝBOVICh DMITRII, «ChEMPIONAT»