Fýtboldan ÁCh: Belgııanyń baǵy jana ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń úshinshi oıyn kúninde, 23 qarashada F tobynda eki kezdesý ótedi, dep habarlaıdy QazAqparat tilshisi.

Atalǵan topta alǵashqy kezdesýde Marokko jáne Horvatııa quramalary sheberlik baıqasady. Oıyn elorda ýaqytymen 16:00-de bastalyp, «Qazsport» telearnasynan tikeleı efırde kórsetiledi.

Afrıka qurlyǵynyń ókilderi dúbirli dodada altynshy márte baq synaıtyn bolady. Olar 1986 jyly 1/8 fınalǵa deıin jetti.

Al horvatııalyqtar bıyl altynshy márte aıtýly alamanǵa keldi. 2018 jyly kúmis júldeger boldy.

Eki qurama buǵan deıin 1996 jyly joldastyq kezdesýde 2:2 esebimen teń tarqasty.

Atalǵan toptaǵy Belgııa men Kanada kezdesýi «Qazsport» telearnasynan elorda ýaqytymen 01:00-de tikeleı efırde kórsetiledi.

Belgııalyqtar bıyl álem chempıonaty fınaldyq satysyna altynshy márte kelip otyr. Olar 2018 jyly qola júldege qol jetkizdi.

Al Kanada dúbirli dodaǵa osymen ekinshi márte keldi. 1986 jyly toptyq kezeńnen asa alǵan joq.

1989 jyly joldastyq kezdesýde Belgııa atalǵan qarsylasynan 2:0 esebimen basym tústi. Bul - ázirge eki qurama arasyndaǵy jalǵyz oıyn.

Eske salsaq, búgin, 23 qarashada E tobynda eki kezdesý ótedi.

Sondaı-aq, 22 qarashada S tobynda Argentına Saýd Arabııasynan jeńilse, Meksıka men Polsha teń tústi.

Al D tobynda Frantsııa Aýstralııany iri eseppen utsa, Danııa men Týnıs komandalaryteń tarqasty.

Foto: Global Look press