Fýtboldan ÁCh: Belgııa eń sońǵy sekýndtarda jeńis golyn soǵyp ketti

Belgııalyqtar toptyq básekede úsh kezdesýiniń bárinde de jeńiske jetip, qarsylastar qaqpasyna toǵyz gol soqty. Sondyqtan olar osy oıyn ǵana emes, dúnıejúzilik dodanyń basty favorıtteriniń biri ekendigi anyq. Al Japonııa uıymshyldyǵymen, qorǵanysty myǵym ustap, kerek kezinde shabýylǵa shyǵa bilýimen erekshelenedi.

Senegaldyq Malang Dıdeý qazylyq etken matchta Belgııanyń bas bapkeri Roberto Martınes ataǵynan at úrketin kil myqtylaryn shyǵardy: Tıbo Kýrtýa (qaqpashy), Toma Mene, ıAn Vertongen, Vensan Kompanı, Tobı Alderveıreld, ıAnnık Karrasko, Kevın De Breıne, Aksel Vıtsel, Drıs Mertens, Eden Azar (kapıtan), Romelý Lýkaký.

Japonııalyq jattyqtyrýshy Akıra Nısıno myna oıynshylaryna senim artty: Eıdzı Kavasıma (qaqpashy), Hırokı Sakaı, ıÝto Nagatomo, Maıa Esıda, Gen Sedzı, Gaký Sıbasakı, Makoto Hasebe (kapıtan), Sındzı Kagava, Takası Inýı, Genkı Haragýtı, ıÝıa Osako. Japonııanyń bas juldyzy Germanııanyń «Borýssııa» (Dortmýnd) komandasynyń namysyn qorǵaıtyn Sındzı Kagava ekendigi belgili.

Bir qyzyǵy, kezdesý japondardyń shabýylymen bastaldy. Degenmen belgııalyqtar birte-birte oıyn tizginin óz qoldaryna aldy.

Belgııa sapynda 40 gol soqqan surmergen R.Lýkakýdyń soqqylaryna japondyq qorǵaýshylar tosqaýyl qoıa bildi. Japondar da ara-tura qarymta shabýylǵa shyǵyp otyrdy. 44-mınýtta Nagatomo qaqpaǵa baǵyttaǵan dopty Osako sál túzep jiberdi. T.Kýrtýa dopty ýysynan shyǵaryp alyp, qaqpasyna gol ótkizip ala jazdady.

Ekinshi taım basynda japondar qarymta shabýyldy keremet júzege asyrdy. Oń qanattan qustaı ushqan Genkı Haragýtıdi ıAn Vertongen ustap úlgermedi. Gaký Sıbasakıden pas alǵan Haragýtı 49-mınýtta alys buryshty dál kózdedi - 1:0. Eki mınýttan keıin Drıs Mertenstiń pasynan keıin Eden Azardyń qaýipti soqqysy qaqpa jaqtaýynan qaıtty.

Azııa ókilderi 52-mınýtta esepti 2:0-ge jetkizdi. Sındzı Kagava orta tustaǵy Takası Inýıǵa pas berdi. Inýıdiń aıyp alańyna kirmesten, shirene tepken doby qaqpadan bir shyqty.

Jeńilý qaýpi anyq tóngen Belgııa alǵa umtyldy. 62-mınýtta Lýkakýdyń baspen soqqan doby qaqpadan qıys ketti. Úsh mınýttan keıin oń qanattan Hırokı Sakaı qaqpaǵa qaraı baǵyttaǵan dopty Kýrtýa qaıtaryp úlgerdi. Odan soń japondyq oıynshy tepken dop qaqpaǵa darymady.

Qorǵaýshy Maıa Esıda Lýkakýdyń soqqysyna tosqaýyl qoıǵanymen, sálden keıin 71-mınýtta Vertongen baspen baǵyttaǵan dop toǵyzdyqtan biraq shyqty - 2:1. 74-mınýtta Azardyń pasynan keıin ekinshi taımda alańǵa shyqqan Marýan Fellaını tarazy basyn teńestirdi - 2:2.

86-mınýtta Eıdzı Kavasıma áýeli oıynnyń ekinshi kezeńinde tyńnan qosylǵan Naser Shadlıdiń, sosyn Lýkakýdyń soqqysyn qaıtaryp, qatarynan eki márte seıv jasady. 91-mınýtta Kýrtýa óziniń oıynshysynan kelgen dopty qaıtara bildi. Sosyn belgııalyq qaqpashy Keısýke Hondanyń da aıyp soqqysyn qaıtardy.

Buryshtamadan berilgen doptan keıin japondyqtardyń qorǵanysty umytqanyn paıdalanǵan belgııalyqtar uıymdastyrǵan ushqyr shabýyldan soń Naser Shadlı eń sońǵy sekýndtarda jeńis golyn soǵyp ketti.

Osylaısha 3:2 esebimen Japonııany utqan Belgııa 6 shilde kúni Qazanda bes márte álem chempıony Brazılııamen jartylaı fınal joldamasyn sarapqa salady.