Fýtboldan ÁCh: Belgııa Anglııany jeńip, óz tobynda úzdik atandy
ASTANA. QazAqparat - Reseıdiń Kalınıngrad qalasynda fýtboldan álem chempıonatynyń G tobyndaǵy Anglııa men Belgııa quramalary sheberlik synasty, dep habarlaıdy QazAqparat tilshisi.
Alǵashqy eki kezdesýden keıin 6 upaıdan jınap, pleı-off máselesin sheship qoıǵan qos komanda beldi oıynshylaryna demalys berip, qosalqy quramasyn shyǵardy. Chempıonattyń surmergeni, aǵylshyn shabýylshysy Garrı Keın de tys qaldy.
Slovenııalyq tóreshi Damır Skomına qazylyq etken matchta Anglııanyń bapkeri Garet Saýtgeıt myna fýtbolshylaryna senim artty: Djordan Pıkford (qaqpashy), Trent Aleksander-Arnold, Djon Stoýnz, Gerı Kehıll, Fıl Djons, Dennı Roýz, Erık Daıer, Fabıan Delf, Rýben Loftýs-Chık, Markýs Reshford, Djeımı Vardı.
Belgııanyń jattyqtyrýshysy Roberto Martınes usynǵan quram mynadaı boldy: Tıbo Kýrtýa (qaqpashy), Dedrık Boıata, Tomas Vermalen, Leander Dendonker, Marýan Fellaını, Mýssa Dembele, ıÝrı Tılemans, Torgan Azar, Adnan ıAnýzaı, Naser Shadlı, Mıshı Bachýaıı.
Match basynda belgııalyqtar gol soǵa jazdady. Fellaınıdiń aıyp alańyna asyrǵan dobyn Bachýaıı teýip jibergende, Pıkford ýysynan shyǵaryp aldy. Qaqpaǵa enip bara jatqan dopty Kehıll qaıtaryp úlgerdi. Belgııalyqtar gol boldy dep, qoldaryn kótergenimen, tóreshi ony eleń qylǵan joq.
Alma-kezek shabýylmen ótkenimen, birinshi taımda esep ashylǵan joq.
Oıynnyń ekinshi kezeńinde aqyry belgııalyqtar esep ashty. 51-mınýtta 23 jasar Adnan ıAnýzaı toǵyzdyqty dál kózdedi. Aǵylshyn premer-lıgasyndaǵy myqty komandalardyń biri «Manchester ıÝnaıtedte» dop teýip kórgen ıAnýzaı Anglııa quramasyndaǵy burynǵy áriptesterine osylaısha «sálem» joldady.
Aǵylshyndar qarap qalmaı, 66-mınýtta Markýs Reshford qaqpashy Tıbo Kýrtýamen jeke-dara shyqqanymen, ońtaıly sátti múlt jiberdi. 83-mınýtta Fellaını ekinshi taımda tyńnan qosylǵan Dennı Ýelbektiń soqqysynan keıin óz qaqpasyn aman alyp qaldy. 88-mınýtta Djordan Pıkford ta alańǵa jańa shyqqan Drıs Mertenstiń qaýipti soqqysyn qaıtaryp, seıv jasaı bildi.
Belgııalyqtar Anglııany 1:0 esebimen utyp, óz tobynda jeńimpaz atandy.
Saranskide toptyń aýtsaıderleri Panama men Týnıs kezdesip, onda afrıkalyq qurama 2:1 esebimen jeńiske jetti.
Aıta keteıik, komandalardyń upaıy, dop aıyrmasy jáne ózara kezdesýi jaǵynan bári teń bolǵan jaǵdaıda eskertý qaǵazdary esepke alynady. Keshe N tobynda alǵan eskertýleriniń kóptiginen Senegal pleı-off básekesinen tys qaldy. Mundaı derek álem chempıonaty tarıhynda tuńǵysh ret tirkeldi.
Sóıtip G tobynda úzdik atanǵan Belgııa Dondaǵy Rostovta N tobynda ekinshi oryn alǵan Japonııamen kúsh synasady. Al Anglııa N tobynyń jeńimpazy Kolýmbııamen talasady.
Osymen toptyq básekeler bitti. Endi pleı-off matchtary bastalady. Mysaly, Belgııa Japonııany utsa, shırek fınalda Brazılııa-Meksıka jubynyń jeńimpazymen kezdesedi. Anglııa-Kolýmbııa jubynda ozǵan komanda Shvetsııa nemese Shveıtsarııanyń bireýimen jasyl alańǵa shyǵady.
Sonymen, shırek fınaldyń ózinde Brazılııa men Belgııanyń joldary toqaılasyp qalýy ábden yqtımal.
