Fýtboldan ÁCh: Aýstralııa Týnısti tize búktirdi

ASTANA. QazAqparat – Qatarda fýtboldan ótip jatqan álem chempıonatynda D tobynda Týnıs pen Aýstralııa komandalary jasyl alańǵa shyqty, dep habarlaıdy QazAqparat tilshisi.

Birinshi týrda aýstralııalyqtar álem chempıondary – frantsýzdarǵa 1:4 esebimen jol berse, týnıstikter azýly komandalardyń birinen sanalatyn danııalyqtarmen teń túsken edi (0:0).

Toptan shyǵýdan úmitti úzbeý úshin qos quramaǵa jeńis aýadaı qajet edi.

Oıyn aýstralııalyqtardyń basymdylyǵymen bastaldy. Aqyry olar 23-mınýtta degenderine jetti. Kreıg Gýdvın sol qanattan keremet pas shyǵaryp, Mıtchell Dıýk esep ashty – 1:0.

Ekinshi kezeńde týnıstikter kóbirek shabýyldap, tarazy basyn teńestirýge tyrysyp baqty. Ekinshi taımda tyńnan qosylǵan belgili oıynshy Vahbı Hazrı de óz múmkindigin múlt jiberdi.

Osylaısha, 1:0 esebimen jeńiske jetken Aýstralııa úsh upaıǵa ıe bolyp, óz tobynda ekinshi orynǵa kóterildi.

Bul topta búgin sondaı-aq Frantsııa - Danııa komandalary ózara kezdesedi.

Eske sala keteıik, budan buryn fýtboldan álem chempıonatynda Irannyń sońǵy mınýttarda Ýelsti jeńip ketkenin jazǵan bolatynbyz.

Al, Nıderland pen Ekvador quramalary teń tarqasty.

Foto: ROBERT CIANFLONE/GETTY IMAGES