Fýtboldan ÁCh: Anglııaǵa Týnıs toıtarys bere ala ma
ORAL. QazAqparat - Búgin túnde Volgograd qalasynda G tobynda Týnıs pen Anglııa komandalary ózara kezdesedi, dep habarlaıdy QazAqparat tilshisi.
Bul oıynnyń favorıti, árıne, 1966 jylǵy álem chempıony Anglııa ekeni anyq. Jeti birdeı oıynshysy Frantsııa chempıonatynda óner kórsetetin Týnıs quramasy oǵan toıtarys bere ala, muny oıyn kórsetedi.
Anglııa fýtbolshylarynyń deni jas. Ótken jylǵy 1 qyrkúıekten beri 10 kezdesý ótkizip, sonyń jeteýinde jeńiske jetip, úsheýinde teń oınaǵan aǵylshyndardyń baby men baǵy kelisse, biraz jerge barary haq. Komanda kóshbasshylarynyń biri Dele Allıdiń ózi 22 jasta. Shabýyl ótinde Harrı Keın men Djeımı Vardı jasyndaı jarqyrasa, olardan áldeqaıda jas Markýs Reshford pen Djessı Lıngard ta kez kelgen qorǵanysty buzyp óte alady. Jartylaı qorǵaýshy men bilikti qorǵaýshylary da jetkilikti. Komanda bapkeri Garet Saýtgeıtıany qaqpashy máselesi mazalaýy múmkin. Oǵan sheberlik deńgeıleri shamalas, Djordan Pıkford, Djek Batland jáne Nık Poýptyń bireýin tańdaýǵa týra keledi.
Nabıl Maaýl jattyqtyratyn Týnıs quramasynyń bas juldyzy - Vahbı Hazrı. Eýropa komandalarynda dop teýip úlgergen Hazrı komandalastaryn tabysqa bastaı alady. Álem chempıonatyna irikteý kezeńinde jeńilip kórmegen Týnıs quramasy tájirıbeli, tisqaqqan oıynshylardan quralǵan. Bıylǵy 9 maýsymda ótken matchta 2010 jylǵy álem chempıony Ispanııaǵa ǵana 0:1 esebimen ese jibergen týnıstikter dúnıejúzilik dodanyń shırek fınalyna deıin jetýdi maqsat etip otyr.
Aıta keteıik, G tobynda sondaı-aq Belgııa men Panama komandalary oınaıdy. Belgııa quramasy da - chempıonat favorıtteriniń biri. Bul toptan pleı-off básekesine Belgııa men Anglııanyń shyǵýy múmkin, biraq Týnıs pen Panama da qarap qalmaıdy.
