Fýtboldan ÁCh: Anglııa Týnısten jeńisti sońǵy mınýttarda julyp aldy
ORAL. QazAqparat - Volgograd qalasynda G tobynda Týnıs pen Anglııa komandalary kúsh synasty, dep habarlaıdy QazAqparat tilshisi.
Reseıde ótip jatqan fýtboldan álem chempıonaty Batys Qazaqstan oblysymen shektesetin Edil boıyndaǵy qalaǵa da jetip, «Volgograd Arena» stadıony halyqqa lyq toldy.
Anglııanyń fýtbol otany ekeni barshaǵa aıan. Biraq aǵylshyndar 1966 jyly óz elinde ótken dúnıejúzilik dodada eki ǵana altynnan alqa taǵyna aldy. Sodan keıin Eýropa birinshiliginde qos qola júldege qol jetkizgeni bolmasa, basqalaı tabysqa jetip kórgen emes. Álem chempıonatyna besinshi ret qatysyp otyrǵan Týnıs quramasy 1998 jyly Anglııamen bir topqa túsip, 0:2 esebimen utylyp qalǵan bolatyn. Onyń aldynda, 1990 jyly qos komanda joldastyq kezdesý ótkizip, 1:1 esebimen teń tarqasqan edi.
Bul oıynǵa Vılmar Roldan bastaǵan kolýmbııalyq tóreshiler qazylyq etti.
Anglııa bapkeri Garet Saýtgeıtıa myna oıynshylarǵa senim artty: Djordan Pıkford (qaqpashy), Harrı Magvaır, Djon Stoýnz, Kaıl Ýoker, Eshlı ıAng, Djessı Lıngard, Djordan Henderson, Dele Allı, Kıran Trıpper, Garrı Keın (komanda kapıtany), Rahım Sterlıng.
Týnısti jattyqtyratyn Nabıl Maaýl qaqpashy Mýe Assen, Dılan Bronn, Sıam Ben-ıÝssef, ıAssın Merııa, Alı Maalýl, Fertanı Sassı, Eles Shkırı, Naıs Slıtı, Fahreddın Ben-ıÝssef, Anıs Badrı jáne kópti kórgen komanda kapıtany Vahbı Hazrıdi alańǵa shyǵardy.
Kezdesý aǵylshyndardyń asa qaýipti shabýyldarymen bastaldy. Bastapqyda Lıngard pen Sterlıngke dáldik jetispedi. 11-mınýtta buryshtamadan berilgen doptan keıin qaqpashy Mýe Assen Djon Stoýnzdiń baspen toǵyzdyqqa dál baǵyttalǵan soqqysyn qaıtaryp úlgergenimen, Garrı Keın óz múmkindigin múlt jibermedi -1:0.
Alǵashqy on shaqty mınýtta birneshe soqqyny qaıtaryp, kózge túskenimen, jaraqat alyp qalǵan Assenniń ornyna tájirıbeli qaqpashy Farýk Ben-Mýstafa shyqty.
Birinshi taım ortasyna taman Hazrı bastaǵan týnıstik oıynshylar qaqpaǵa qaraı soqqylar jasap úlgerdi. Aqyry 33-mınýtta Kaıl Ýoker óz aıyp alańynda týnıstik shabýylshyny shyntaǵymen nuqyp jibergendikten, 11 metrlik penaltı belgilendi. Fertanı Sassı tarazy basyn teńestirdi. Mine, qyzyq endi bastaldy.
Aǵylshyndar qarqyndy kúsheıtip, Týnıs qaqpasyna qaıta-qaıta qaýip tóndirdi. Lıngardtyń soqqysy tipti qaqpa jaqtaýyna tıip, shyǵyp ketti. Birinshi taım 1:1 esebimen teń aıaqtaldy.
Kezdesýdiń ekinshi kezeńi de Anglııanyń basymdylyǵymen ótti. Týnıstikterdiń qorǵana bilýimen birge dopty ustaýdaǵy sheberligi baıqalmaı qalǵan joq. 68-mınýtta R. Sterlıngtiń ornyna shabýyl ótine aǵylshyndyq jas perilerdiń biri Markýs Reshford shyqty. On mınýttan keıin E. ıAng oryndaǵan aıyp soqqysy qaqpadan joǵary ketti.
Bul oıynda nátıjeli soqqy jasaı almaǵan Dele Allıdi taǵy bir jas fýtbolshy Rýben Loftýs-Chık almastyrdy.
Qosymsha tórt mınýt qosylǵany sol edi, 91-mınýtta buryshtamadan berilgen doptan keıin Garrı Keın óziniń kapıtan ekendigin kórsetip, jeńis golyn soǵyp ketti - 2:1.
Bir atap ótetin jaıt, Anglııa bul chempıonatqa óz tarıhyndaǵy eń jas quramasyn alyp keldi. Sonymen qatar olardyń bári de aǵylshyn birinshiliginde óner kórsetedi. Fýtbolshylary tek óz elinde oınaıtyn basqa qurama joq.
Eske sala keteıik, G tobynda munyń aldynda Belgııa Panamany 3:0 esebimen oısyrata jeńgen bolatyn.
