Fýtboldan ÁCh: 5 qyrkúıekte qandaı quramalar oınaıdy

ASTANA. KAZINFORM - Fýtboldan 2026 jylǵy álem chempıonaty irikteý kezeńinde Eýropa qurlyǵy boıynsha búgin, 5 qyrkúıekte tórt topta kezekti týr oıyndary ótedi.

V tobynda Slovenııa men Shvetsııa, Shveıtsarııa men Kosovo, S tobynda Danııa men Shotlandııa, Grekııa men Belarýs sheberlik baıqasady.

Al D tobynda Islandııa men Ázerbaıjan, Ýkraına men Frantsııa, I tobynda Italııa men Estonııa, Moldova men Izraıl, L tobynda Farer araldary men Horvatııa, Chernogorııa men Chehııa jasyl alańǵa shyǵady. 

Aıta ketsek, 4 qyrkúıekte birqatar oıyndardyń nátıjesi belgili boldy.

Belgııa quramasy syrt alańda Lıhtenshteındi iri eseppen jeńdi.

Belgııalyq fýtbolshylar Qazaqstan quramasy oınap jatqan J tobynda synǵa túsip jatyr. 

Kezdesý barysynda olar qarsylas qaqpasyna jaýapsyz alty gol soqty. Nátıjesinde 7 upaımen óz tobynda úshinshi orynǵa kóterildi. Bul topta Ýels 10 upaımen birinshi, Soltústik Makedonııa 8 upaımen ekinshi orynda tur. Al Qazaqstan 3 upaımen tórtinshi orynǵa jaıǵassa, Lıhtenshteınniń ázirge qorjyny bos. 

Aıta ketsek, 4 qyrkúıekte Qazaqstan quramasy óz alańynda Ýelske 0:1 esebimen jeńilip qaldy.

Al A tobynda Germanııa syrt alańda Slovakııaǵa 0:2 esebimen jol berse, Soltústik Irlandııa Lıýksembýrgten 3:1 esebimen basym tústi.

E tobynda Grýzııa quramasy Túrkııaǵa 2:3, Bolgarııa quramasy Ispanııaǵa 0:3 esebimen jol berse, G tobynda Lıtva men Malta, Nıderland pen Polsha 1:1 esebimen teń oınady.