Fýtboldan ÁCh-2027: Qazaqstan áıelder quramasy pleı-off satysyna shyqty
ASTANA. KAZINFORM - Qazaqstan áıelder quramasy 2027 jyly áıelder arasyndaǵy fýtboldan Álem chempıonatynyń eýropalyq irikteý kezeńinde pleı-off satysyna shyqty.
Otandastarymyz S dıvızıonynyń 6-tobynda Belarýs jáne Armenııa quramalarymen synǵa tústi.
Begaıym Qyrǵyzbaevanyń shákirtteri toptyq kezeńde 7 upaı jınap, ekinshi oryndy ıelendi. Bul nátıje S lıgasyndaǵy ekinshi oryn alǵan úzdik komandalar qataryna enýine múmkindik týǵyzdy.
Toptaǵy oıyndarda Armenııa: 3:0 esebimen jeńip, qarymta oıynda 1:1 esebimen teń tústi. Al Belarýsti 1:0 esebimen tize búktirse, kelesi kezdesýde 0:1 esebimen ese jiberdi.
Jerebe tartý rásimi 18 maýsymda Shveıtsarııanyń Non qalasynda ótedi. Sol arqyly Qazaqstan quramasynyń pleı-offtyń birinshi kezeńindegi alǵashqy qarsylasy anyqtalady.
Kúz aılarynda ótetin ótpeli matchtarda A, V jáne S lıgasy quramalary 2027 jylǵy álem chempıonatyna joldama úshin baq synaıdy. Bul kezeńde jalpy esepte 7 tikeleı joldama jáne 1 kontınentaralyq pleı-off joldamasy sarapqa salynady.
Aıta ketsek, áıelder arasyndaǵy 10-shy álem chempıonaty 2027 jyldyń 24 maýsym-25 shilde aralyǵynda Brazılııada ótedi. Týrnırge álemniń eń úzdik 32 ulttyq quramasy qatysady.
Eske salsaq, budan buryn FIFA álem chempıonatynda tóreshilerdiń ókilettigin keńeıtpek.
