Fýtboldan ÁCh-2026: Túrkııa pleı-off satysynan tys qaldy
ASTANA. KAZINFORM - Fýtboldan 2026 jylǵy álem chempıonatynda D tobynda úshinshi týr oıyndary máresine jetti.
Arda Gıýler jáne Kenan Iyldyz sekildi juldyzdary bar Túrkııa quramasy bıylǵy dop dodasyn sátsiz ótkizdi. Alǵashqy eki týrda birde-bir upaı ala almaǵan olar úshinshi týrda jankúıer aldynda jaqsy oıyn órnegimen kózge tústi.
Túrkııalyq fýtbolshylar AQSh quramasymen kezdesýde qarsylas qaqpasyna úsh gol soǵyp, óz qaqpasyna úsh gol jiberip aldy. Kezdesý barysynda Soltústik Amerıka qurlyǵynyń ókilderi alǵashqy bolyp esep ashty. Olardyń qatarynan Oston Trastı 3-mınýtta kózdegen nysanadan múlt ketken joq.,
Odan keıin túrkııalyq Arda Gıýler 10, Barysh Alper Iylmaz 31-mınýtta mergendik tanytsa, 49-mınýtta AQSh sapynan Sebastıan Berhalter tarazy basyn teńestirdi.
Oıynnyń 98-mınýtynda túrkııalyq Kaan Aıhan qorytyndy esepti belgiledi.
Osylaısha qarsylasynan 3:2 esebimen basym túsken Túrkııa óz tobynda 3 upaımen tórtinshi oryndy mise tutty. Saldarynan olar pleı-off satysynan tys qaldy.
Taǵy bir kezdesýde Paragvaı men Aýstralııa 0:0 esebine qanaǵat bildirdi.
Bul toptan AQSh 6, Aýstralııa 4 upaımen pleı-off satysyna shyqsa, 4 upaımen úshinshi orynda turǵan Paragvaıdyń da áli jarysty jalǵastyratyn múmkindigi bar.
Endi 26 maýsymda G, H, I toptarynda úshinshi týr oıyndary ótkiziledi.
Eske salsaq, budan buryn Nıderland Týnısti jeńip, óz tobynda birinshi oryn aldy.
