Fýtboldan ÁCh-2026: Túrkııa quramasy ekinshi márte jeńildi
ASTANA. KAZINFORM — Fýtboldan 2026 jylǵy álem chempıonatynda D tobynda Túrkııa — Paragvaı quramalary kezdesti.
Alǵashqy týrda eki qurama da sátsiz oınady. Túrkııalyq fýtbolshylar Aýstralııaǵa 0:2 esebimen jeńilse, Paragvaı AQSh quramasyna 1:4 esebimen jol berdi. Sondyqtan búgingi kezdesý eki qurama úshin mańyzdy match edi.
Oıyn barysynda quramalar birden jyldam gol soǵý múmkindigin izdedi. Osyndaı sáttiń birinde paragvaılyq Matıas Galarsa 2-mınýtta qarsylas qaqpasynan sańylaý taýyp ketti.
Túrkııalyq fýtbolshylar tarazy basyn teńestirýge umtyldy. Soǵan qaramastan degenine jete almaı jatty.
Birinshi kezeńniń aıaq sheninde Paragvaı quramasynan Mıgel Almıron qyzyl qaǵaz alyp, alańnan qýyldy. Nátıjesinde túrkııalyq fýtbolshylar oıynnyń qalǵan bóliginde bir fýtbolshyǵa artyq oınaýǵa múmkindik aldy.
Aıta ketsek, budan buryn bul topta AQSh quramasy Aýstralııany 2:0 esebimen jeńdi.
Endi bul toptaǵy oıyndar 26 maýsym kúni ótkiziledi. Bul kúni Paragvaı Aýstralııamen kezdesse, Túrkııa men AQSh şeberlik baıqasady.
Eske salsaq, budan buryn Brazılııa fýtboldan álem chempıonatynda alǵashqy jeńisine jetti.
