Fýtboldan ÁCh-2026: Portýgalııa men Kolýmbııa jeńimpazdy anyqtaı almady
ASTANA. KAZINFORM - Búgin fýtboldan 2026 jylǵy álem chempıonatynda K tobynda kimderdiń pleı-off satysyna shyqqany belgili boldy.
Bul toptaǵy negizgi kezdesý Kolýmbııa - Portýgalııa arasynda ótti. Ońtústik Amerıka jáne Eýropa qurlyǵynyń tájirıbeli quramalary arasyndaǵy kezdesý topta qaısysy birinshi oryn alatynyn anyqtaıtyn edi. Dese de olar toassyz shabýyl uıymdastyrǵanymen bir-biriniń qaqpasynan sańylaý taba alǵan joq.
Kezdesý barysynda quramalar 0:0 esebine qanaǵat bildirdi. Nátıjesinde Kolýmbııa 7, Portýgalııa 5 upaımen pleı-off satysyna tikeleı joldama aldy.
Sondaı-aq taǵy bir kezdesýde Kongo Demokratııalyq Respýblıkasy Ózbekstanmen sheberlik baıqasty.
Alǵashqy mınýttarda belsendilik kórsetken ózbekstandyq fýtbolshylar jyldam gol soǵý múmkindigin izdedi. Olardyń qatarynan Eldor Shomýrodov 10-mınýtta esep ashqan edi, oǵan afrıkalyq quramadan Ioan Vıssa 68, 91, Fıston Maıele 78-mınýtta úsh golmen jaýap qaıyrdy.
Oıyn barysynda Ózbekstan qarsylasyna 1:3 esebimen ese jiberip, jarystyń kelesi satysyna 4 upaımen Kongo DR quramasy shyqty.
Eske salsaq, budan buryn Belgııa Jańa Zelandııany iri eseppen jeńdi.
