Fýtboldan ÁCh-2026: Nıderland Týnısti jeńip, óz tobynda birinshi oryn aldy
ASTANA. KAZINFORM — Fýtboldan 2026 jylǵy álem chempıonatynda F tobynda úshinshi týr oıyndary máresine jetti.
Bul toptaǵy eki oıynnyń birinde Týnıs pen Nıderland sheberlik baıqasty. Alǵashqy eki týrda birde-bir upaıǵa qol jetkize almaǵan afrıkalyq fýtbolshylar sol olqylyqtyń ornyn toltyrýǵa tyrysty. Soǵan qaramastan olar dittegen maqsatyna jete almaı jatty. Esesine óz qaqpasyna jyldym eki gol jiberip aldy.
Oıynnyń 3-mınýtynda týnıstik Ellıes Skırı avtogoldyń avtory atansa, 7-mınýtta nıderlandtyq Braıan Brobbı basymdyqty arttyra tústi.
Al 54-mınýtta afrıkalyq quramadan Hazem Mastýrı esepa ıyrmasyn qysqartsa, Nıderland sapynan ıAn Paýl van Hekke 62-mınýtta qorytyndy esepti belgiledi.
Osylaısha Ronald Kýmannyń shákirtteri 7 upaımen óz tobynda birinshi orynǵa taban tirep, pleı-off satysyna shyqty.
Bul toptaǵy taǵy bir kezdesýde Japonııa men Shvetsııa 1:1 esebine qanaǵat bildirdi.Nátıjesinde Japonııa ekinshi, Shvetsııa úshinshi orynǵa tabin tiredi.
Endi 26 maýsymda G, H jáne I toptarynda úshinshi týr oıyndary ótedi.
Eske salsaq, budan buryn Ekvador Germanııany jeńip, álem chempıonatynyń pleı-off kezeńine shyqty.
