Fýtboldan ÁCh-2026: Mıkel Oıarsabaldiń qos goly Ispanııaǵa jeńis syılady
ASTANA. KAZINFORM - Fýtboldan 2026 jylǵy álem chempıonatynda H tobynda Ispanııa quramasy Saýd Arabııasyn 4:0 esebimen jeńdi.
Alǵashqy týrda Kabo-Verdemen 0:0 esebimen teń túsken ıspanııalyq fýtbolshylar bul joly upaı joǵaltpaýǵa tyrysty. Oıyn bastalǵan sátten shabýylǵa lap qoıǵan olar degenine 10-mınýtta jetti. Qazir esimi álem jurtshylyǵyna tanylyp úlgergen jas juldyz Lamın ıAmal óz múmkindigin múlt jibermeı, óziniń mansabynda álem birinshiligindegi alǵashqy golyn soqty.
Jyldam gol soǵyp úlgergen ıspanııalyq qurama budan keıin de tynyshtyq tapqan joq. Oıynnyń 21-mınýtynda olardyń qatarynan Mıkel Oıarsabal esepti ústemelese, 24-mınýtta ol óziniń ekinshi golyn soǵyp úlgerdi.
Al 49-mınýtta Saýd Arabııasy sapynan Hassan Al-Tambaktı óz qaqpasyna gol soǵýǵa májbúr boldy.
Osylaısha Ispanııa qarsylasynan 4:0 esebimen basym túsip, týrnır kestesinde 4 upaımen birinshi orynǵa kóterildi.
Endi bul topta Qazaqstan ýaqytymen 03:00-de Kabo-Verde - Ýrýgvaı quramalary jasyl alańǵa shyǵady.
Sondaı-aq 22 maýsymda saǵat 00:00-de Belgııa - Iran, 06:00-de Jańa Zelandııa - Mysyr sheberlik baıqasady.
Eske salsaq, budan buryn Germanııa pleı-off satysyna joldamaǵa ıe boldy.
