Fýtboldan ÁCh-2026: Messıdiń eki goly Argentınaǵa jeńis syılady
ASTANA. KAZINFORM - Fýtboldan 2026 jylǵy álem chempıonatynda J tobynda Argentına - Aýstrııa quramalary kezdesti.
Oıyn barysynda qos komanda shabýylǵa kóbirek kóńil bóldi. Osyndaı sátterdiń birinde aýstrııalyq fýtbolshylar óziniń qorǵanys shebinde tártip buzýǵa májbúr boldy. Olardyń qaqpasyna belgilengen penaltıdi Lıonel Messı degenine paıdalana alǵan joq.
Esesine 38-mınýtta ol sol olqylyqtyń ornyn toltyryp, óz quramasyn alǵa shyǵardy. Oıynyń 95-mınýtynda Lıonel Messı óziniń ekinshi golyn soǵyp, qorytyndy esepti belgiledi.
Argentınalyq shabýylshy álem chempıonaty tarıhyndaǵy úzdik surmergen atandy. Argentınalyq shabýylshynyń enshisinde endi 18 gol bar. Buǵan deıingi rekord Germanııa quramasynyń ańyzy Mıroslav Klozege tıesili edi .Ol qazirge deıin mýndıal tarıhynda 16 márte mergendik tanytqan.
Endi J tobynda 23 maýsymda 08:00–de Iordanııa men Aljır kezdesedi.
Birinshi týrda Argentına Aljırdi 3:0, Aýstrııa Iordanııany 3:1 esebimen jeńdi.
