Fýtboldan ÁCh-2026: Meksıka toptyq kezeńde upaı joǵaltqan joq
ASTANA. KAZINFORM - Fýtboldan 2026 jylǵy álem chempıonatynda A tobynda úshinshi týr oıyndary máresine jetti.
Bul Meksıka quramasy toptyq kezeńde birde-bir upaıdan shashaý shyǵarǵan joq. Olar sońǵy týrda Chehııamen sheberlik baıqasqan edi.
Kezdesý barysynda meksıkalyq Mateo Chaves 55-mınýtta esep ashsa, odan keıin Hýlıan Kınones 61, Alvaro Fıdalgo 94-mınýtta eki gol soǵyp ketti.
Osylaısha meksıkalyq fýtbolshylar qarsylasynan 3:0 esebimen basym túsip, óz tobynda birinshi orynmen pleı-off satysyna shyqty.
Taǵy bir kezdesýde Ońtústik Afrıka quramasy Ońtústik Koreıany 1:0 esebimen jeńdi. Kezdesý taǵdyryn sheshken Thapelo Maseko 63-mınýtta soqty. Bul jeńisten keıin afrıkalyq qurama óz tobynda 4 upaımen ekinshi oryn alyp, jarysty jalǵastyrýǵa múmkindik aldy.
Al toptyq kezeńde úsh upaı enshilegen Ońtústik Koreıa ázirge pleı-off satysyna shyǵý múmkindigin áli tolyq sheshe alǵan joq. Ol ózge toptardaǵy quramalardyń týrnır kestesindegi jaǵdaıyna baılanysty anyqtalady.
Aıta ketsek, budan buryn V jáne S toptarynda úshinshi týr oıyndary aıaqtaldy.
