Fýtboldan ÁCh-2026: Krıshtıaný Ronaldýdyń qos goly Portýgalııaǵa jeńis syılady
ASTANA. KAZINFORM - Fýtboldan 2026 jylǵy álem chempıonatynda K tobynda Portýgalııa - Ózbekstan quramalary kezdesti.
Alǵashqy týrda portýgaldyq fýtbolshylar Kongo Demokratııalyq Respýblıkasymen 1:1 esebimen teń túsken edi. Bul nátıje olardyń týrnır kestesindegi jaǵdaıyn birshama qıyndatty. Sondyqtan olar búgingi kezdesýde jeńiske jetýge bar kúshin salatyny anyq edi.
Oıynnyń alǵashqy mınýtynan Krıshtıaný Ronaldý bastaǵan Portýgalııa quramasy alǵa qaraı umtyldy. Jyldam gol soǵýǵa umtylǵan olar degenine jetti. Krıshtıaný Ronaldý 6-mınýtta óziniń álem chempıonatyndaǵy alǵashqy golyn soǵyp úlgerdi. Odan keıin áriptesi Nýný Mendesh 17-mınýtta kózge tússe, Krıshtıaný Ronaldý 39-mınýtta ekinshi goldyń avtory atandy.
Ataqty fýtbolshy óz mansabynda álem chempıonaty fınaldyq kezeńinde on gol soǵyp úlgerdi. Qazirge deıin ol ulttyq qurama sapynda 229 kezdesýde 143 gol soqqan edi.
Portýgaldyq shabýylshy ulttyq qurama sapyndaǵy alǵashqy golyn 2006 jyly Germanııada ótken álem chempıonatynda soqqan edi. Alǵashqy golyn ol Iran quramasy qaqpasyna penaltıden engizdi.
Búgingi kezdesýde taǵy eki gol ekinshi kezeńde soǵyldy. Ony 60-mınýtta ózbekstandyq qaqpashy Abdývohıd Nematov óz qaqpasyna soǵyp alsa, portýgalııalyq Rafael Leaý 87-mınýtta qorytyndy esepti belgiledi.
Osylaısha Portýgalııa quramasy qarsylasynan 5:0 esebimen basym tústi.
Endi bul topta 24 maýsymda Qazaqstan ýaqytymen 07:00-de Kolýmbııa - Kongo Demokratııalyq Respýblıkasy sheberlik baıqasady.
Eske salsaq, budan buryn Aljır Iordanııanyń osal tusyn tapty.
