Fýtboldan ÁCh-2026: Kabo-Verde men Ýrýgvaı teń oınady
ASTANA. KAZINFORM - Fýtboldan 2026 jylǵy álem chempıonatynda taǵy eki oıynnyń nátıjesi belgili boldy.
H tobynda synǵa túsip jatqan Ýrýgvaı men Kabo-Verde jeńimpaz anyqtaı alǵan joq.
Kezdesý barysynda afrıkalyq qurama sapynan Kevın Lenını 21-mınýtta esep ashqan edi. Birinshi kezeńniń aıaq shenine taman ýrýgvaılyq fýtbolshylar qatarynan eki gol soǵyp ketti. Bul goldardy Maksımılıano Haver Araýho Vılches 44, Agýstın Kanobbıo 46-mınýtta óziniń enshisine jazdy.
Ekinshi kezeńde oǵan afrıkalyq quramadan Elıo Varela 61-mınýtta bir golmen jaýap qaıyrdy.
Osylaısha quramalar 2:2 esebine qanaǵat bildirdi.
Sondaı-aq bul topta ekinshi týrda Ispanııa Saýd Arabııasyn 4:0 esebimen qapy qaldyrdy.
Alǵashqy týrda Ispanııa men Kabo-Verde 0:0, Saýd Arabııasy men Ýrýgvaı 1:1 esebimen teń oınaǵan edi.
Al G tobynda taǵy bir kezdesýde Jańa Zelandııa men Mysyr sheberlik baıqasqan edi. Kezdesý barysynda Jańa Zelandııa quramasynan Fınn Serman 15-mınýtta esep ashqan edi.
Oǵan afrıkalyq qurama ekinshi kezeńde qatarynan úsh golmen jaýap qaıyrdy. Ony Mostafa Zıko 58, Mohamed Salah 61, Trezege 82-mınýtta óziniń enshisine jazdy.
Bul topta ekinshi týrda Belgııa men Iran 0:0 esebimen teń oınaǵan edi.
