Fýtboldan ÁCh-2026: Ispanııa quramasy óz tobynda birinshi oryn aldy
ASTANA. KAZINFORM - Búgin fýtboldan 2026 jylǵy álem chempıonatynyń H tobynda sheshýshi úshinshi týr oıyndary ótti.
Bul topta Ispanııa quramasy úshinshi kezdesýde Ýrýgvaımen kezdesken edi. Alǵashqy eki týrda nebári tórt upaı alǵan ıspanııalyq fýtbolshylar óz tobynda birinshi oryn alýǵa tyrysty.
Dese de kezdesý barysynda qos qurama tartysty oıyn ótkizdi. Bir-biriniń qaqpasynan sańylaý taba almaı jatty.
Oıyn taǵdyryn sheshken jalǵyz goldy 42-mınýtta ıspanııalyq Aleks Baıana soqty.
Osylaısha Ispanııa qarsylasynan 1:0 esebimen basym tústi.
Taǵy bir kezdesýde Kabe-Verde men Saýd Arabııasy jasyl alańǵa shyqty. Oıyn 0:0 esebimen teń aıaqtaldy.
Nátıjesinde bul topta Ispanııa birinshi oryn alsa, ekinshi orynǵa Kabo-Verde ıe boldy. Eki qurama pleı-off satysyna beriletin eki joldamaǵa qol jetkizdi.
Al Ýrýgvaıdyń enshisinde nebári 2 upaı bar. Sondyqtan olardyń pleı-off satysyna shyǵý múmkindigi tómen.
Sondaı-aq eki upaı jınaǵan Saýd Arabııasy da tórtinshi oryndy mise tutty.
Eske salsaq, budan buryn Frantsııa Norvegııany iri eseppen jeńdi.
