Fýtboldan ÁCh-2026: Ispanııa quramasy Kabo-Verdemen teń tústi
ASTANA. INFORMSPORT — Fýtboldan 2026 jylǵy álem chempıonatynda búgin, 15 maýsymda Ispanııa quramasy alǵashqy kezdesýinde Kabo-Verdemen teń tústi.
2026 jylǵy fýtboldan álem chempıonaty tarıhta alǵash ret birden úsh elde — AQSh, Kanada jáne Meksıkada ótedi. Týrnır matchtary 11 maýsym men 19 shilde aralyǵynda 16 qalada bolady.
N tobynda synǵa túsip jatqan Ispanııa toqsan mınýt boıy Kabo-Verde qaqpasynyń osal tusyn taba alǵan joq. Kezdesý barysynda olar qarsylas qaqpasy mańynda jıi boı kórsetti. Oǵan afrıkalyq qurama laıyqty qarsylyq kórsetti.
Endi bul topta 16 maýsymda Qazaqstan ýaqytymen 03:00–de Saýd Arabııasy — Ýrýgvaı jasyl alańǵa shyǵady.
Al G tobynda 16 maýsymda 00:00–de Belgııa — Egıpet, 06:00–de Iran — Jańa Zelandııa kezdesedi.
Eske sala keteıik, 2026 jylǵy fýtboldan álem chempıonaty tarıhta alǵash ret birden úsh elde — AQSh, Kanada jáne Meksıkada ótedi. Týrnır matchtary 11 maýsym men 19 shilde aralyǵynda 16 qalada uıymdastyrylady.
Týrnırdi úsh memleket qabyldaǵanymen, matchtardyń basym bóligi AQSh-ta uıymdastyrylady. Munda barlyǵy 78 oıyn ótedi. Al Kanada men Meksıkada 13 matchtan ótkiziledi.
Aıta ketsek, budan bqryn Kot-d’Ivýar Ekvadordy dop dodasyn jeńispen bastady.
