Fýtboldan ÁCh-2026: Harrı Keınniń eki goly Anglııaǵa jeńis alyp keldi
ASTANA. KAZINFORM – Fýtboldan 2026 jylǵy álem chempıonatynda L tobynda synǵa túsip jatqan Anglııa – Horvatııa kezdesýi aıaqtaldy.
Kezdesý barysynda quramalar tartysty oıyn ótkizdi. Bir-biriniń qaqpasyna kóp gol soǵýymen erekshelendi. Alǵashqy kezeńniń ózinde qarsylastar eki-ekiden qaqpany dál kózdedi.
Oıynnyń 12-mınýtynda Anglııa quramasynyń kapıtany Harrı Keın penaltıden múlt ketken joq. Oǵan 36-mınýtta horvatııalyq Martın Batýrına bir golmen jaýap qaıyrdy.
Al 42-mınýtynda Keıin óziniń ekinshi golyn soqsa, 45-mınýtta horvatııalyq Letar Mýsa óz múmkindigin múlt jibergen joq.
Ekinshi kezeńdi anglııalyq qurama belsendi bastady. Olardyń qatarynan Djýd Bellıngem soqqan gol Anglııany qaıtadan alǵa shyǵarsa, 85-mınýtta Markýs Reshford qorytyndy esepti belgiledi.
Osylaısha, Anglııa álem birinshiligin sátti bastap, qarsylasynan 4:2 esebimen basym tústi.
Bul toptaǵy taǵy bir kezdesýde Qazaqstan ýaqytymen saǵat 04:00-de Gana – Panama quramalary jasyl alańǵa shyǵady.
Aıta ketsek, budan buryn K tobynda Portýgalııa – Kongo DR 1:1 esebine qanaǵat bildirdi. Bul topta endi saǵat 07:00-de Ózbekstan men Kolýmbııa quramalary oınaıdy.
