Fýtboldan ÁCh-2026: Germanııa pleı-off satysyna joldamaǵa ıe boldy
ASTANA. KAZINFORM — Fýtboldan 2026 jylǵy álem chempıonatynda E tobynda Germanııa — Kot-d’Ivýar quramalary kezdesti.
Qarsylastar alǵashqy týrda jeńiske jetip, dúbirli dodany sátti bastaǵan edi. Germanııalyq fýtbolshylar aldymen Kıýrasaony 7:1 esebimen tize búktirse, Kot-d’Ivýar Ekvadordan 1:0 esebimen aılasyn asyryp ketti.
Búgingi kezdesý barysynda nemis fýtbolshylary oıyn basynda tizgindi óz qolynda ustaýǵa tyrysty. Qos qanattan shabýyl uıymdastyrdy. Degenmen dittegen maqsatyna jete alǵan joq. Esesine 30-mınýtta afrıkalyq qurama spynan Frank Kesse esep ashyp ketti.
Bul gol Germanııa quramasynyń shabýyldy arttyra túsýine alyp keldi. Tarazy basyn teńestirýge umtylǵan olar birinshi kezeńde maqsatyna jeta alǵan joq.
Ekinshi kezeńde degermanııalyq fýtbolshylardyń basymdyǵy baıqalyp turdy. Oıynnyń 68-mınýtynda olardyń qatarynan Denız Ýndav gol soqsa, ol 94-mınýtta ekinshi márte kózge tústi.
Osylaısha Germanııa quramasy qarsylasynan 2:1 esebimen basym túsip, pleı-off satysyna berilgen joldamaǵa ıe boldy.
Atalǵan toptaǵy taǵy bir oıynda 05:00–de Ekvador men Kıýrasao quramalary jasyl alańǵa shyǵady.
Endi bul toptaǵy aldaǵy týr oıyndary 25 maýsym kúni ótedi. Onda Germanııa Ekvadormen kezdesse, Kot-d’Ivýar Kıýrasaonmen sheberlik baıqasady.
Aıta ketsek, budan buryn F tobynda Nıderland quramasy Shvetsııany iri eseppen jeńdi.
Bul topta endi Qazaqstan ýaqytymen 09:00–de Japonııa men Týnıs sheberlik baıqasady.
