Fýtboldan ÁCh-2026: Erlıng Holand Norvegııany pleı-off satysyna alyp shyqty
ASTANA. KAZINFORM - Fýtboldan 2026 jylǵy álem chempıonatynda I tobynda Norvegııa - Senegal quramalary kezdesti.
Bul kezdesýde eki qurama da jeńiske jetýge bar kúshin saldy. Norvegııa basym tússe, pleı-off satysyna joldama alatyn edi. Birinshi týrda jeńilistiń aşy dámin tatqan senegaldyq fýtbolshylar úshin úsh upaı aýadaı qajet bolatyn. Sondyqtan alǵashqy mınýttan kezdesý tartysty ótti.
Oıynnyń 43-mınýtynda norvegııalyq Markýs Pedersen kózdegen nysanadan múlt ketken joq. Odan keıin Erlıng Holand 48-mınýtta esepti ústemelese, oǵan afrıkalyq quramadan Ismaıla Sarr bir golmen jaýap qaıyrdy.
Oıynnyń 58-mınýtynda Erlıng Holand taǵy bir márte kózge tússe, Ismalıla Sarr 93-mınýtta qorytyndy esepti belgiledi.
Osylaısha Norvegııa qarsylasynan 3:2 esebimen basym túsip, pleı-off satysyna joldamaǵa ıe boldy.
Bul toptaǵy Frantsııa quramasy Iraktty 3:0 esebimen tize búktirdi.
