Fýtboldan ÁCh-2026: Chehııa — Ońtústik Afrıka teń nátıjege qanaǵat bildirdi
ASTANA. KAZINFORM — Fýtboldan 2026 jylǵy álem chempıonatynda Atobynda synǵa túsip jatqan Chehııa — Ońtústik Afrıka kezdesýi aıaqtaldy.
Alǵashqy týrda eki qurama da jeńilistiń aşy dámin tatty. Chehııalyq fýtbolshylar Ońtústik Koreıaǵa 1:2 esebimen jeńilse, ońtúsik Afrıka Meksıkaǵa 0:2 esebimen ese jiberdi.
Sondyqtan búgingi kezdesý barysynda komandalar jeńiske jetýge bar kúshin saldy.
Kezdesý barysynda chehııalyq qurama alǵashqy mınýttan jyldam gol soǵatyn múmkindikti izdedi. Qarsylastar qaqpasy mańynda jıi boı kórsetti. Osyndaı sátterdiń birinde olar esep ashyp ketti. Bul goldy 6-mınýtta chehııalyq Mıhal Sadılek óziniń enshisine jazdy.
Ekinshi kezeńde afrıkalyq fýtbolshylar alǵa qaraı umtyldy. Dese de kózdegen maqsatyna jete almaı jatty. Oıynnyń 83-mınýtynda Chehııa qaqpasyna belgilengen penaltıden Teboho Mokoena múlt ketken joq.
Osylaısha qos qurama 1:1 esebine qanaǵat bildirdi.
Endi bul topta 19 maýsymda saǵat 06:00–de Meksıka men Ońtústik Koreıa jasyl alańǵa shyǵady.
Sondaı-aq V tobynda 19 maýsymda saǵat 00:00–de Shveıtsarııa — Bosnııa jáne Gertsogovına, 03:00–de Kanada men Qatar kezdesedi.
