Fýtboldan ÁCh-2026: Brazılııa Shotlandııany jeńdi
ASTANA. KAZINFORM — Fýtboldan álem chempıonatynyń toptyq kezeńindegi úshinshi týrda Brazılııa quramasy Shotlandııany 3:0 esebimen jeńdi.
Oıyn «Hard Rok Stedıým» stadıonynda ótti.
«Pentakampeondar» sapynda Vınısıýs dýbl jasap, 7 jáne 45+3 mınýttarda gol soqty. Oıynnyń 60-mınýtynda Mateýs Kýnıanyń qaqpaǵa baǵyttaǵan doby múlt ketpedi.
Osylaısha, Brazılııa quramasy S tobynda 7 upaı jınap, pleı-off kezeńine joldama aldy. Al Shotlandııa quramasy 3 upaımen úshinshi orynǵa turaqtady.
Matchqa halyqaralyq sanattaǵy meksıkalyq tóreshi Sesar Ramos qazylyq etti.
Aıta keteıik, Shveıtsarııa Kanadany jeńip, álem chempıonatynyń pleı-off kezeńine shyqty.
