Fýtboldan ÁCh-2026: Belgııa Jańa Zelandııany iri eseppen jeńdi
ASTANA. KAZINFORM - Búgin fýtboldan 2026 jylǵy álem chempıonatynyń G.tobynda sheshýshi úshinshi týr oıyndary ótti.
Bul topta alǵashqy eki týrda teń nátıjege qanaǵat bildirgen Belgııa quramasy toptyq kezeńde birinshi oryn alý úshin sońǵy oıyna jeńiske jetýi tıis edi. Olar Jańa Zelandııamen kezdesýde jınaqy qımyl kórsetip, úsh upaıǵa qol jetkizdi. Oıyn barysynda belgııalyq qurama sapynan Leandro Trossard 28, 50-mınýtta qos goldyń avtory atansa, 66-mınýtta Kevın De Breıne kózdegen nysanadan múlt ketken joq.
Oǵan 84-mınýtta Jańa Zelandııa sapynan Elaıdja Djast 84-mınýtta bir golmen jaýap qaıyrdy.
Odan keıin Belgııa sapynan Romelo Lýkaký 86, Aleksıs Salemakers 94-mınýtta eki gol soǵyp ketti.
Osylaısha Belgııa qarsylasynan 5:1 esebimen basym túsip, hz tobynda 5 upaımen birinshi oryn aldy.
Taǵy bir kezdesýde Egıpet pen Iran quramalary sheberlik baıqasty.
Kezdesý barysynda egıpettik Mahmýd Saber 5-mınýtta qaqpany dál kózdedi. Oǵan 14-mınýtta Ramın Rezaıan bir golmen jaýap qaıyrdy.
Kezdesý barysynda quramalar 1:1 esebine qanaǵat bildirip tarasty.
Nátıjesinde 5 upaımen afrıkalyq qurama ekinshi orynǵa taban tirep, pleı-off satysyna joldama aldy.
Ázirge Iran pleı-off satysyna shyǵý múmkindiginen qol úzgen joq. Olar óz tobynda úshinshi oryn alǵan quramalar arasynda úzdik segizdikte tur.
Eske salsaq, budan buryn Ispanııa quramasy óz tobynda birinshi oryn aldy.
