Fýtboldan ÁCh-2026: Belgııa ekinshi oıyn qatarynan teń tústi
ASTANA. KAZINFORM — Fýtboldan 2026 jylǵy álem chempıonatynda G tobynda Belgııa — Iran quramalary kezdesti.
Belgııalyq fýtbolshylao dop dodasyn sátsiz bastady. Alǵashqy týrda Mysyr quramasymen 1:1 esebimen teń oınaǵan olar sol olqylyqtyń ornyn búgin toltyrýǵa tyrysty. Oıyn bastalǵan sátten tizgindi qolǵa ustaýǵa tyrysqan olar jyldam gol soǵý múmkindigin izdegen edi. Degenmen dittegen maqsatyna jete almaı jatty.
Bas tóreshi argentınalyq Darıo Errera 25-mınýtta ırandyq Mehdı Taremı soqqan goldy oıynnan tys qaldy degen sebeppen jaratpaı tastady.
2018 jylǵy álem chempıonatynyń qola júldegeri atanǵan belgııalyq fýtbolshylar gol soǵýǵa qansha tyryssa da qarsylastar qaqpasynan sańylaý taba almaı jatty. Keıbir sátte ırandyq qurama shabýylǵa shyǵyp, óz múmkindigin múlt jibermeýge tyrysty.
Oıynnyń 66-mınýtynda belgııalyq Natan Ngoı qyzyl qaǵazben jazalandy. Osylaısha jasyl alańda nebári on oıynshymen qalǵan olar qalǵan ýaqytta kem quramda qalýǵa týra keldi.
Bul kezdesýde quramalar 0:0 esebine qanaǵat bildirdi.
Irandyq fýtbolshylar alǵashqy týrda Jańa Zelandııamen 2:2 esebimen teń oınaǵan edi.
Sondaı-aq bul topta 06:00–de Jańa Zelandııa — Mysyr sheberlik baıqasady.
Endi bul topta 27 maýsymda Belgııa — Jańa Zelandııa, Mysyr — Iran quramalary kezdesedi.
Eske salsaq, budan buryn H tobynda Belgııa quramasy Saýd Arabııasyn 4:0 esebimen jeńse, saǵat 03:00–de bul topta Kabo-Verde — Ýrýgvaı jasyl alańǵa shyǵady.
