Fýtboldan ÁCh-2026: Anglııa men Horvatııa pleı-off satysyna shyqty
ASTANA. KAZINFORM - Búgin fýtboldan 2026 jylǵy álem chempıonatynda L tobynda Anglııa quramasy birinshi oryn aldy.
Anglııalyq fýtbolshylar alǵashqy eki týrda tórt upaı jınap, pleı-off ssatysyna bir týr buryn joldama alǵan edi. Soǵan qaramastan olar úshinshi týrda Panamaǵa qarsy kezdesýde jeńiske jetýge kúsh saldy.
Kezdesý barysynda olardyń qatarynan Djýd Bellıngem 62-mınýtta esep ashsa, Garrı Keın 67-mınýtta kózdegen nysanadan múlt ketken joq.
Osylaısha olar qarsylasynan 2:0 esebimen basym túsip, óz tobynda 7 upaımen birinshi oryn aldy.
Sondaı-aq bul toptaǵy taǵy bir kezdesýde Horvatııa quramasy Ganany 2:1 esebimen tize búktirdi.
Oıyn barysynda horvatııalyq Petar Sýchıch 31-mınýtta gol soqsa, 73-mınýtta ganalyq Derrık Lıýkkassen tarazy basyn teńestirdi.
Sheshýshi goldy 83-mınýtta horvatııalyq Nıkola Vlashıch soqty.
Nátıjesinde Horvatııa óz tobynda 6 upaımen kelesi kezeńge joldama aldy.
Eske salsaq, budan buryn Belgııa Jańa Zelandııany iri eseppen jeńdi.
